¹ Tubada ata a geile : Mono li'i ' Dou pabuttakana'. Lawitina Asaf. Na iyya geile. Ma malangi barra-Mu , oh Marobba Allah, yamme ma malangi, oronage ngara-Mu bana barrawe, ga'i ka tekkiwe ne parawi-Mu a kaladana. ² 'Ne baku pede rapa patekki, Ku paresawe waige a didara. ³ Ne tana mono ngara dukkanage ne'e dana na tobbulawe, Yauwa dona a pakattodi yidda pai'ina. ⁴ Luggudi yidda a kawossoka, 'Dei kawossoka kana', mono, barrada ata a buokala, 'Dei pamadietakani kadumi'. ⁵ dei keketakayi kadumi bei pamadietadi, dei panewe kana bei padedeyi bukkumi'. ⁶ Oronage, ba da walida padou oudana mata loddo mono padou padou tamana mata loddo, mono walina tillu maredda dana ba ammige na a pamadieta. ⁷ Takka, Marobba Allah ngiadona Ata a Paresa, Ngia a parajakani iyya mono a pamadietadi waddeka. ⁸ Oronage, ne'e limma danana Muori wa'ini na iyya padou, i na anggur a pawurra, na bonnuna bumbu papakaula, bage Na liegawe. Ne a linnana, ngara dukkada ata a buokala ne'e ponnu tana da passuwe mono da ienuge puosana. ⁹ Takka, ku tekkiwe dukki murri wali murri wali, ku geileni na geile tubana Marobba Allahna Yakub. ¹⁰ Ba linnakowe, ngara dukkada kaduda ata a buokala Na tippukayi, yidda ata a bia Na pamadietadi.