¹ Geile papangeddana Asaf. Oh Marobba Allah, appa maka Mu letogama dukki murri wali murri wali? Appa ne bani-Mu maka na wiegarawe barrada bebe padawa-Mu? ² Loloyi ata-Mu, pa wo'i-Mu walipoge nettina, pakeketa-Mu bou wai dou di, lolowe ne letena Sion, padou madaka-Mu. ³ Ketetaya pagada wa'i-Mu sagana padou pubbuka a ienga pakitana, yidda kamuka da pubbukayi ngara dukkada ne'e padou a bisa. ⁴ Yidda kamukamu da dangu ne'e tillu padou paparegga wa'imu, da padedeyi yidda panji ba wai tadadi. ⁵ Da paddedi ba ata a wainadi pogo, togo pu'u wasu. ⁶ Ne'eya, ngara dukkada ukiran, da pubbuka waidi pogo mono palu. ⁷ Da pangiddige apu ne'e padou bisa-Mu dukki togo tana, da tauge a diraka ne'e padou madakanage ngara-Mu. ⁸ Lidda ne'e are danada, 'Mai kata pamayilla ngara dukkada'. Da tunnu kuayi ngara dukkada padou paparegga dengadani Marobba Allah ne'e luada da. ⁹ Dama ietamayi tadama. Da'ima rato. Da'ima lakka iyya ata barrada a paddege pirra gai mado'i nage. ¹⁰ Pirra gai kiapowe mado'i nage, oh Marobba Allah, yidda gobbama bada pakalokoge? Yidda kamuka da pakalokoge ngara-Mu dukki murri wali murri wali? ¹¹ Appa Yo'u maka Mu tengi baliya limma-Mu, limma kawana-Mu? Dekeya walina togo kuru-Mu mono pubbuka yi! ¹² Takka, Marobba Allah ngiadona tokkogu walipoge nettina, a rawige ne manumara ne tillu ponnu tana. ¹³ Mu bokkawe bonnu waige kullisa-Mu, Mu puayi katuowada kaboko ne'e we'e dana. ¹⁴ Mu pubbukayi katuowada Lewiatan, Mu ya dadi barrada yidda kadukka tana ne'e maredda dana bada wai panga'adi. ¹⁵ Mu bokkayi mata we'e mono loko, Mu pamarokotadi lai we'e a lai pakita. ¹⁶ Dou-Mu ge ne loddo, dou alla-Mu ge ne gedde, Mu padedewe ne mangiewala mono mata loddo. ¹⁷ Mu tauwe watte nage ne tana, Mu rawige rapa wadala mono rapa kalikka. ¹⁸ Lolowe, oh MUORI, yidda kamuka da pa ulla, mono yidda ata a jinga na tullaraguge ngara-Mu! ¹⁹ Dou yakawe ne lolo ngauna merpati-Mu barrada ranga matobba, dou dengakage muorikada yidda ata a mayilla dukki murri wali murri wali. ²⁰ Ietawe ne paparasi, oronage yidda padou a kapottana walina ne'e luoda bada bonnuna yobbu pamayilla denga. ²¹ Da ga'i kadi yidda a mayilla bada makke, ga'i yidda ata milla mono ata dengo kada deikaguge ngara-Mu. ²² Kedde, oh Marobba Allah, tulugagge palakara-Mu, lolowe pei wa'ida yidda ata a jinga bada pakaloko-Gu ne iyya loddo. ²³ Dou wollo waikage li'ida yidda kamuka-Mu, kawissakada yidda ata a kedde a gobba-Gu mono a penne pakita.