1
Tubana ata a geile : Lawitina Daud. rengegage li'igu, oh Marobba Allah, baku masali, dawa gage muorikagu walina yidda kamukagu.
2
Pa kabunniga walina pakabbuda yidda ata a buokala, walina yidda ata a rawige a buokala,
3
a kuorayi lommada, a linnana beddila. Da pa aroni pana da, panewe a poddu.
4
Ga'i kada beddilayi yidda ata a idda sala walina padou a kabunni, da beddilayi ba dada madauta.
5
Da norro takkage patekkida a buokala, da tekkiwe pei wa'inage bada kabunnidi yidda sirru, ba lidda, 'Garra a ietayi?'
6
Da paresawe ne a idda dessa, ' Ma paresa bawe, kabbuma babawe'. Ne ate ki'ida mono ateda yidda ata na madalege.
7
Takka, Marobba Allah na beddilayi walina aro bana waidi pana, da manu'a.
8
Ne lommada na pa tabirrisadi, ngara dukkada ata a ietawe da malle.
9
Bage, ngara dukkada ata da madauta. Da padukkige appa parawina Marobba Allah, mono da paddege parawi-Na.
10
Ata a bia da maringa barrana Muori mono da kolege ne mawo barra-Na, mono ngara dukkada a lurrusa atena da maringa dommo.