¹ Tubada ata a geile : Waige kecapi. Lawitina Daud. Rengewe kawulagu, oh Marobba Allah, pa atege sabayagu. ² Walina uppu tana baku pa ou-Gu ne ba nege a sillira ategu, dutuwa ne'e togo letena a watuna a louka madieta walina yauwa. ³ Oronage, ba You dona padou mawogu, na menara a kullisa barrada kamuka. ⁴ Ga'i kaku iengana ne'e karieka dana-Mu dukki murri wali murri wali. Ga'i kaku mawo ne'e padou kabunni kapa dana-Mu! ⁵ Oronage, You, oh Marobba Allah, a renge gage pa jajigu, You a yagage douda ata a madauta guge ngara-Mu. ⁶ Mu beige bou taba dadi umur da tokko, dou da mirrika mangiedada ubbu aiba. ⁷ Ga'i kana madi'ige dukki murri wali murri wali arona Marobba Allah, ga'ige ne manawara mono a bia kana dawawe. ⁸ Ba linna kowe, ku geileni a iyya geile tubana ngara-Mu dukki murri wali murri wali, ga'i kaku tauge wellina ne pajajigu iyya loddo iyya loddo.