1
Tubada ata a geile : Waige kecapi. Lawitina Daud. Rengewe kawulagu, oh Marobba Allah, pa atege sabayagu.
2
Walina uppu tana baku pa ou-Gu ne ba nege a sillira ategu, dutuwa ne'e togo letena a watuna a louka madieta walina yauwa.
3
Oronage, ba You dona padou mawogu, na menara a kullisa barrada kamuka.
4
Ga'i kaku iengana ne'e karieka dana-Mu dukki murri wali murri wali. Ga'i kaku mawo ne'e padou kabunni kapa dana-Mu!
5
Oronage, You, oh Marobba Allah, a renge gage pa jajigu, You a yagage douda ata a madauta guge ngara-Mu.
6
Mu beige bou taba dadi umur da tokko, dou da mirrika mangiedada ubbu aiba.
7
Ga'i kana madi'ige dukki murri wali murri wali arona Marobba Allah, ga'ige ne manawara mono a bia kana dawawe.
8
Ba linna kowe, ku geileni a iyya geile tubana ngara-Mu dukki murri wali murri wali, ga'i kaku tauge wellina ne pajajigu iyya loddo iyya loddo.