¹ Tubada ata a geile : Waina geile : Bunga Bakung Kesaksian'. Lawitina Daud bana panungadi bana gobbadi Aram Mesopotamia mono Aram Zoba, bage Yoab na bali mono na pakalayi kabullu duada rata tentara Edom ne'e ngaba Garam. Oh Marobba Allah, Mu tullaraga ma, Mu pubbuka ma, mono Mu bani. Pa bali gama. ² Mu pa giddukage tana mono Mu bokkawe. padessawe a mubbuka oro bana giddukawe. ³ Mu pa gillakadage yidda ata-Mu ne mayilla, Mu pa ienu gama anggura a patidima. ⁴ Mu yadi panji barrada yidda a madauta-Gu, ga'i kada malle walina pana dana mono ka keketayi. ⁵ Ga'i yidda ata pamanawara-Mu ka pasellayi, tuludi waidi limma kawana-Mu, mono walema! ⁶ Marobba Allah na panewe ne'e bisa dana-Na. 'Ku maringa, Ku barewe Sikhem, mono Ku ukurawe ne ngaba Sukot. ⁷ Gilead dugguda Manasye ngoadoyi dou-Mu, Efraim ngia alla doyi a pamawowe katuowa-Gu, Yehuda ngiadowe tokko sangadi-Gu. ⁸ Moab ngiadowe padou ma basagu, barrana Edom, Ku possa waidi kappe wa'i-Gu, ku maringa oroda Filistin! ⁹ Garra a marengaga ne'e padou pa woleta? Garra a dutuwa sagana Edom? ¹⁰ Mu tullara gama ngia, oh Marobba Allah? Dou kakoma aro, oh Marobba Allah, dugguda yidda atama? ¹¹ Tulugama bama lawadi gobba ma, oronage ne talu walina barrana ata pi'a da'ima larage. ¹² Orona Marobba Allah, ta rawige ne a kaladana, Na dekedi yidda gobba da.