1
Tubada ata a geile : Waina kecapi mono Syeminit. Geilena Daud. Oh Muori, dou ukku kaga ne'e bani dana-Mu. Dou tau takka kawa ne'e bani dana-Mu.
2
Manawaraga, oh Muori, oronage baku mawo. palengaga, oh Muori! oronage da kadaddaka yidda rigu.
3
Diewagu na pangeddage. Muori, pirra gai kiapowe?
4
Bali, oh Muori, pasellaya diewagu, tuluga oro manawara-Mu.
5
Oronage, ba da'i a palologage tubamu You ne'e mate dana. Ne'e padou ata mate, garra a pamalangi-Wu?
6
Ku mayilla oro pangeddagu. Ne iyya gedde ku ponnuwe padou beikagu, ku ponnuwe waige we'e mata.
7
Da ba'a matagu oro bana millawe ategu, da parabukana oroda ngara dukkada kamukagu.
8
Balimi walina barragu, yemmi ngara dukkana a rawige a buokala, oronage na Muori bana renge gage li'igu baku ngi'o.
9
Muori na renge gage padengigu. Muori na deibagage sabayagu.
10
Ga'i ngara dukkada kamuka kada makke mono kada katattaka. Ga'i kada bali mono kada makke.