¹ Tubada ata a geile : waina seruling. Geilena Daud. Renge gage patekkigu, oh Muori! Pangeddage ne mayillagu. ² Tokkogu mono Marobba Allahgu, rengewe kawulagu, oronage barra-Mu baku sabaya. ³ Ne kabu gedde, oh Muori, Mu renge gage li'igu, ne kabu gedde, ku pamadidi tuba-Mu, mono ku pa ate. ⁴ Oronage, You da Marobba Allah mawu a beidi ata a buokala; yidda ata a buokala da iengamadi a madaka denga-Gu. ⁵ Yidda ata a mapodeta dada dedema aro-Mu. Dou beimadi ngara dukkada a rawige a buokala. ⁶ Mu pa moddayi yidda ata a mapodeta. Muori na madiggiladi yidda ata a liega ra'a ole atanan mono ata a mapodeta. ⁷ Takka, tubagu, oro manawara-Mu, ku tamage ne umma-Mu. Ku deikawe ne umma-Mu a bisa, baku madauta-Gu. ⁸ Oh Muori, dutuwa ne'e a bia dana oroda yidda kamukagu, palurrusaya lara-Mu arogu. Yidda ata a ngaddowe a sala, mono patingo gage barragu pei wa'ina bou pamuorikawa. ⁹ Oronage, da'ima ngada a benar, ne ate ki'ida na mubbukawe, bukkuda ngiadowe uodi a ma wukke, da laikuwa waige lommada. ¹⁰ Tekkiwe bada sala, oh Marobba Allah! Lakka da guggila oro pa kabbu douda. weitakadi oro bana mangieda parawida a sala, oro ne yidda bada porrata bada gobba-Gu. ¹¹ Takka, ga'i yidda ngara dukkada ata a mawo barra-Mu kada maringa. Ga'i kada kawula oronage bada maringa dukki murri wali murri wali. Pa mawoyi, ga'i yidda a manawaraguge ngara-Mu kada maringa barra-Mu. ¹² Oronage, Bou woletadi waidi tuoda pabei-Mu.