¹ Tubada ata a geile : waina kecapi. Lawitina Daud. Walewa baku pa oukogu, oh Muori a bia. Mu pasellawa walina mayilla danagu. Manawaraga mono rengewe sabayagu. ² Ta ana ata, pirra gai kiapowe mado'i nage ne sangadi-Gu bei wai cela ge? Pirra gai kiapowe mado'i nage bei beige ne a idda dessa, mono bei ngaddowe ne a mapodeta? ³ Paddege na Muori bana pakalikke iegadi yidda ata a bia, Muori na rengewe ne baku pa ou-Ni. ⁴ Kadaddakami, mono dei rawi kiakana a sala; panewemi ne'e ate danami, togo padou beikami mono kadennami. ⁵ Yaya patagumi a dessa, mono waini Muori. ⁶ Mangieda ata a linnana, 'Garra a patingoge a dessa barrama?" Ga'i ne mangiewalana Mata-Mu da pamangiewalama. ⁷ Mu tauwe ne maringa ne'e ate danagu, louka paluage walina gandum mono anggur. ⁸ Ku beika mono ku dura padessana, oronage Muori, ba You doudona a pakadennawa baku mannangu.