¹ Lawitina Daud patulisana ne bana kiedu walina barrana Absalom, anana. Muori, mangiedayi kamukagu. Mangieda ata a kedde bada gobbaga. ² Mangieda a linnaga, 'Marobba Allah dana tulu maga!' Sela ³ Takka You, Muori, tuoda a pamawo wa. You dona sangadigu, mono a keketagage katuowagu. ⁴ Ku paouni Muori waige li'igu, mono Na walewa walina togo letena a bisa. Sela ⁵ Ku beika mono ku dura, ku kedde oronage na Muori ba ngiana padou addegu. ⁶ Daku madauta madi yidda ata a ratana, a wa'ina barragu. ⁷ Kedde, oh Muori! tuluga, oh Marobba Allah! Oronage, ba You dona a palu dadi ri po'oda yidda kamukagu, mono Mu pubbukadadi ngudduda ata a buokala. ⁸ Ne manumara dounage Muori! Ne we'e maringi-Mu wa'ige barrada ata-Mu.Sela