¹ Appa kada karingaka yidda ata, mono appa maka da rawige a idda dessa? ² Yidda tokko ponnu tana da deke dage padouda, yidda ata paresa da bei dobbage bada lawani Muori mono yidda ata-Na, lidda , ³ maida kata pietayi a kettedi mono kata letoge kalerreda!" ⁴ Ngia, a madi'i ne'e Surga dana, na malika. Muori na ulladi. ⁵ Bage, Na panewe dengadi ne'e bani dana-Na, mono na pakatattakayi ne'e bani dana-Na, linnadi, ⁶ 'Ku uobaraya na tokko-Gu ne'e Sion, letena a bisa'. ⁷ Ku beige baku tekkiwe na papietana Muori : Linna barragu, 'You ana-Gu gu. Ni'i loddo, Ku pa anagu. ⁸ Dengi barra-Gu, mono Ku yagu mige ne kadukka tana barrami bei wai dou ge. Mono, ne uppu tana bei wai dou dommoge. ⁹ Mu pubbukayi waidi tokko bessi. Mu siebayi mirrika padou a rawina wurro!' ¹⁰ Balinna kowe ne'eya, ta tokko, dadimi ata padde, ta ata a marobbage ponnu tana, diekuge na patekki. ¹¹ Layani Muori waige madautami mono maringami waige kadaddaka. ¹² Dekkiya na Lakawa, mono Muori na bani mono yemmi mi mayilla lara dana. Oronage, ne bani-Na na ngettage bana wiegarawe. Maringina ngara dukkada ata a ngaddowe ne padou mawo barra-Na.