1
Tubada ata a geile : Waige li'i 'Dou pabuttakayi'. Lawitina Daud ne bana kiedu walina barrana Saul ne'e liangu dana. Manawaraga, oh Marobba Allah, manawaraga oronage na diewagu bana mawo barra-Mu. Ne'e mawo danana kapa-Mu, ku mawo, dukki ne a pamubbuka bana malawiwe.
2
Ku kawula barrana Marobba Allah A Madieta, barrana Marobba Allah a paresawe barragu!
3
Na patukani walina Surga dana mono na tuluga. Na huna yi yidda ata dekega. Marobba Allah na pajuolage a dessa mono manawara-Na.
4
Diewagu wa'ini barra singa, ku beika tilluda ata a beige pakarr wa, yidda ana ata, yidda ngudduda ngiadoyi nobbu mono ana pana, mono lommada ngiadoyi beddila a tama.
5
Padieta wekki-Mu dukki ponnu langita, oh Marobba Allah! Ga'i ne sangadi-Mu kana loukawe ponnu tana!
6
Da tauwe ne sirru barra wa'igu, diewagu na runnu.Da kuoda kaliena arogu, da guggila ne'e tilluna.
7
Na madduge ategu, oh Marobba Allah, na madduge ategu, ku geile mono ku deikawu.
8
Kedde, ta sangadigu! Kedde, ta gambus mono kecapi, ku pakeddeya kabu gedde ki'i!
9
Ku pamalangi-Wu, oh Muori, tilluda kadukka tana, ku geileni iyya geile tuba-Mu tilluda kadukka tana.
10
Oronage, ne dessa-Mu na kaladage dukki togo langita, manawara-Mu dukki togo kawuta.
11
Madietawu dukki togo langita, oh Marobba Allah! Sangadi-Mu na loukawe ngara dukk nage ponnu tana!