¹ Tubada ata a geile : Waige jugga. Geile papangeddana Daud. Rengewe sabaygu, oh Marobba Allah, mono dou kabunni wekkikana walina padengigu. ² Pa atega mono walewa! Ku kadenna ne milla ate danagu mono ku dangu, ³ Oro li'ida kamukagu, oro parawida ata a buokala. Oronage, bada dippala gage ne pamayilla denga barragu, mono waige bani, da kamukaga. ⁴ Na kadaddakawe ategu, mono ne mate pamadauta denga na wennewa. ⁵ Madauta mono kadaddaka na barraga, ne kadaddaka na pa ingiwa. ⁶ Luggu, 'Oh, Ba yakoga kapa mirrika merpati na! Ku wurruna mono ku kadenna. ⁷ Ne a linnana, ku kiedu marro mono ku taddo nr'r maredda tingngi dana. ⁸ Ku ngettana baku kako ne'e padou mallegu, walina ne paringngi kalada dana.'. ⁹ Kabolloge, oh Muori, bokkadadi lommada. Oronage, ku ietawe ne mayilla ne bani mono a buokala ne'e padou. ¹⁰ Loddo mono gedde da woletage ne padou ponnu tembok na, bage ne a buokala mono mayilla wa'ige ne'e dana. ¹¹ A pubbuka wa'ige ne'e tilluda, pamayilla denga mono makirri dana dada mawe walina ne'e padou. ¹² Oronage, da kamukama a ullaga, ku padde baku deitowe. Da ata ma a idda beiga a gobba ga, ku padde baku kabunni walina barrada. ¹³ Takka, na ata linna wa'ina yauwa, olegu, na ata pa paddegu. ¹⁴ Ta ya wekkina patekki a dessa, ne'e ummana Marobba Allah, ta kako ne'e tilluda ata a pakassana. ¹⁵ Ga'i ne mate kana kirridi, ga'i kada burru muorika ne'e padou ata mate! Oronage, ne a buokala wa'ige ne'e barra padou madakada mono ne'e tilluda. ¹⁶ Takka, ku pa ouni Marobba Allah, mono Muori na tuluga. ¹⁷ Ne'e gedde dana, kabu gedde mono loddo, ku tekkiyi mayillagu mono millagu, bage na renge gage li'igu, ¹⁸ Na batuga ne'e muoli dana walina a gobbaga, oronage mangieda ata a gobbaga. ¹⁹ Marobba Allah na rengewe mono na waleyi. Na kadenna walipoge nettina. Oro ba dada kabali mono dada madauta mani Marobba Allah. ²⁰ Na keketaya limmana bana gobbadi ata a muorika muoli dengani, Na dieku mage paparasina. ²¹ Ngadana a mirrika mentega na, na kasangawe takka atena na patauwe, takka ne ngara dukkanage ngiadowe beddila a tadutusa. ²² Letoge a buoto barrana Muori, mono Na karawawu. Dana ga'i madi yidda ata a bia bada gidduka dukki murri wali murri wali. ²³ Takka, You, oh Marobba Allah, a ngiddiwi bada burru ne'e sumura kaliena uodi. Yidda ata a liega ra'a ole atana mono ata a makirri dada dukkima ne muorika a malou, takka ku waige.