¹ Tubada ata a geile : Waini jugga. Geile papangeddana Daud yidda ata Zifi bada mai barrana Saul ba liddani, " Da wa'ikini Daud a kabunni ni'i tilluda?". Oh Marobba Allah, tuluga waige ngara-Mu, paresawa waiga kullisa-Mu. ² Oh Marobba Allah, rengewe sabayagu. Pa atege patekkina ngadagu. ³ Oronage, yidda ata waddeka da kedde bada lawaga, mono yidda ata pa madauta denga da ngaddo gage lolo ngaugu, a idda tauya Marobba Allah aro douda. ⁴ Ne a linnana, Marobba Allah ngiadona a tuluga, Muori ngiadona a padou addege. ⁵ Na pabalidage a buokala barrada kamukagu. Ne manawara dana-Mu . Mu pamoddayi. ⁶ Walina ate danagu ku yawe ne patagu gu barra-Mu, ku pamalangi guge ngara-Mu oh Muori, oronage bana dessawe. ⁷ Oronage, Ngia bana pasellawa walina mayilla dana mono matagu ku patieti waidi kamukagu.