¹ Lawitida anana Korah. Na kaladana Muori! Da deikaya ne'e padouna Marobba Allah da, ne'e letena a bisa. ² Na dede dessawe, da beige ngara dukkanage ponnu tana, ngiadowe letena Sion a marro ne'e utara, padou Tokko a kaladana. ³ Marobba Allah, ne'e istana danana, na beige bada padde-Ni ba padou mawo ya. ⁴ Oro, ietayi, yidda tokko a pakassana, da li dobbawe. ⁵ Ne bada ietawe, da katattaka, da katattaka bage da ngettana bada kiedu. ⁶ Da madauta ne'eya, da karodduka mirrika mawinne a pa ana. ⁷ Waige paringi padou oudana mata loddo, Mu pubbukayi tienada ata Tarsis. ⁸ A linnana parengema, ma ietawe, ne padouna Muori. Tokko tentara mangieda, ne'e padouna Marobba Allahda, Marobba Allah a padedeyi dukki murri wali murri wali. ⁹ Ma pamiera dengadi ne manawara-Mu, oh Marobba Allah, tillu umma-Mu. ¹⁰ A linnana ngara-Mu, oh Marobba Allah, linna alla doyi yidda geile barra-Mu na dukiyi uppu tana. Limma kawana-Mu na bonnuna a bia. ¹¹ Ga'i ne letena Sion kana maringa! Ga'i yidda ana mawinnena Yehuda kada maringa oro paresa-Mu. ¹² Kakomi barra Sion mono woletage, yiepadi tokona. ¹³ Tau atemu togo padou dawa, kakowu barra istana, ga'i kei tekkiwe barrada ubbu aibami. ¹⁴ Oronage Marobba Allah, Marobba Allahda, da'ima kadukkage mono dukki murri wali murri wali. Na dutuda!