¹ Tubada ata a geile : Geileda anana Korah. Kapoku kadi limma, ta ngara dukkada kadukka tana, maringami barrana Marobba Allah waige li'i maringami! ² Oronage, na Muori A Madieta da madautani, Tokko a kaladana ne'e ponnu tana. ³ Na parunnuyi yidda kabisu tana kabuda itta, mono yidda kadukka tana kabu wa'i da. ⁴ Na pede dadi douda tubada, sangadina Yakub pamanawara-Na. ⁵ Marobba Allah na penne bana, Muori ne'e tillu li'i kapika dana. ⁶ Geileni a geile barrana Marobba Allah, geileni a geile! Geileni na geile barrana Tokko da, geileni iyya geile! ⁷ Oronage, Marobba Allah ba ngiadona Tokko ne'e ponnu tana, geileni na geile waige padde! ⁸ Marobba Allah ngiadona tokko barrada kadukka tana; Marobba Allah na madi'i ne'e padou-Na a bisa. ⁹ Yidda rato da pakassana, atana Marobba Allah Abraham, oronage yidda perisai ponnu tana ngiadoyi douna Marobba Allah, Ngia pamadietani.