¹ Tubada ata a geile : A linnana nada 'Bunga Bakung' walina barrada anana Korah. Na geile pamanawara denga. Ategu na bonnuge oro patekki a dessa, ku tauya lawitigu tubana Tokko. Lommagu ngiadowe penana a ata a padde pamatulisa. ² Yo'u dona a manadana walina ngara dukkada ana ata. Ne kanurru kanegga walinage ponnu ro'o wiwwimu, ba linna kowe Marobba Allah na pamaringiwu dukki murri wali murri wali. ³ Begge ge ne beddila togo kobbumu, ta ata a kullisa, ne'e sangadi danamu. ⁴ Ne'e sangadi danamu, kaletewe waige marobba, tubanage palakara a bia, dessa ate, mono a didara! Ga'i na limma kawana-Mu kana panungage ne a kaladana. ⁵ Yidda ana panamu a tama bana dukawe puda yidda tokko; yidda kadukka tana da guggila kabu wa'imu. ⁶ Padou madi'i-Mu, oh Marobba Allah, ienga douge dukki murri wali murri wali. Tokko sangadi-Mu ngiadona tokko a bia. ⁷ Mu beige a bia mono dou beimage a buokala. Ba linna kowe, Marobba Allah, Marobba Allahmu, na kuddogu minya pa bei, na loukawe walina barrada olemu. ⁸ Ngara dukkada kalabbemu da bou mur, gaharu mono cendana,walina istana gadingu ta rengeya kecapi pamaringa dengamu. ⁹ Yidda ana mawinnena tokko tilluda permaisuri pa paakada, tuba kawanamu da dede permaisuri da waina omma walina ofir. ¹⁰ Rengewe, ta lakawa mawinne, ietawe mono pato'idi katillumu. Dengadi kabisumu mono ummana amamu! ¹¹ Mono, na tokko na beiguge manadamu, oronage ba ngiadona muorimu! Kawodo barrana! ¹² Mawinne Tirus da mai ngiddi pa taguda. Yidda ata pote ne'e kabisu kadukka tana na ngaddowe ne pabei barramu. ¹³ Anada tokko mangu sangadi da, kalabbena pa wana waiyi omma. ¹⁴ Waige pawana a mangieda, da ngiddiya barrana tokko, yidda lakawa mawinne, ngiadoyi olena a diekuni, da ngiddiya barramu. ¹⁵ Da dutuyi bada maringa mono bada ege ate, ne bada tamage padouna tokko. ¹⁶ A dieluya amamu mu wai anadi. Mu wai ata paresadi ne ponnu tana. ¹⁷ Ku lolo guge ngaramu dukki ubbu iabamu, ga'i yidda kadukka tana kada pamalangiwu dukki murri wali murri wali.