1
Tuluga, oh Marobba Allah, mono tuluga baku lawadi kadukka tana a idda mangu ate waina! Pasellawa walina yidda ata a makirri mono a idda dessa!
2
Oronage, ba You dona Marobba Allah a pamawowa. Appa maka dou deibawa? Appa maka ku kako masali oronage ne mayilla walina barra kamuka ?
3
Patukage ne mangiewala-Mu mono a bia, ga'i kana tuduwa mono kana ngiddiwa ne'e togo letena a bisa, mono ne'e padou-Mu.
4
Bage, ku kako ne'e kabubbuna Marobba Allah , barrana Marobba Allah, maringagu, mono ku pamalangiya waina kecapi, barra-Mu, oh Marobba Allah, Marobba Allahgu.
5
Appa maka mi moko, ta diewagu, appa maka mi bani barragu? Menneni Marobba Allah! Oronage, ku pamalangi-Ya , oronage manumara a wali barra-Na.