1
Geilena Daud. Yanage Muori, ta lakawa ilahi, Yanage Muori ne sangadi mono kullisa.
2
Yanage Muori sangadi ngara-Na. Deikaya Muori ne'e bisa dana-Na.
3
Li'ina Muori ne'e ponnu we'e, Muori sangadi na kagurruka, Muori ne'eni ponnu we'e.
4
Li'ina Muori na marobbawe. Li'ina Muori na kaladage.
5
Li'ina Muori na patayi pu'u wasu aras. Oh, Muori na patayi yidda pu'u wasu aras Libanon.
6
Na patalokage Libanon mirrika ana sapi ya, mono Siryon mirrika ana karabbo.
7
Li'ina Muori mirrika apiwe a wiegara.
8
Li'ina Muori na pakadadda kage maredda tingi, Muori na pakadaddakage maredda tingi Kadesh.
9
Li'ina Muori na pa ana dengage rusa, mono na pakaluoluwe kadawu. ne'e padou-Na na ata linna, 'Sangadi!'
10
Muori na madi'i ne'e ponnu we'e kalada, Muori na madi'i a linnana Tokko dukki murri wali murri wali.
11
Muori na yadi kullisa barrada ata-Na; Muori na pamaringiyi ata-Na waidi muoli.