1
Geilena Daud. Barra-Mu, oh Muori, baku pa ougu. Padou addegu, dou kawangakana barragu. Oronage, Bou kadenneko barragu, yauwa mirrika yidda ata a burru ne'e uodi dana.
2
Rengegage li'igu, ne baku kawula barra-Mu, baku keketayi limmagu ne'e koro Padou a Bisa.
3
Dou weitaka kaga barrada ata a buokala, barrada ata a rawige a idda dessa, a panewe dessana barrada ole atana, takka atena na buokalawe.
4
Yadadi a linnana parawida a buokala. Yadadi a linnana parawida limmada. Pabalidage a linnana parawida.
5
Oronage, ba dada waidi papayillina Muori mono papayillida limma-Na, Na pubbukayi yidda a idda pakeddewe.
6
Maringa Muori, oronage bana rengewe padengigu.
7
Muori ngiadona kullisagu mono tuodagu. Ku waini ne'e ate danagu, ku manumara, oronage ne ategu bana maringawe. Mono, waini geilegu, ku pamalangi-Ya.
8
Muori ngiadona kullisada ata-Na, Ngia dona padou manumara tubada yidda pa uobara-Na.
9
Tulugi ata-Mu, mono maringina dou-Mu; Dawayi mono ngiddiyi dukki murri wali murri wali.