¹ Geilena Daud. Paresawa, oh Muori, oronage baku kako ne'e a dessa dana. Ku waibani Muori mono daku tabirrisama. ² Paresawa, oh Muori, mono nungawa. pawarrasa gage ate ki'igu mono ategu. ³ Oronage, ne manawara-Mu wa'ige aro matagu, mono ku kako ne'e a bia dana. ⁴ Daku madi'i denga madi yidda ata a makirri, mono daku kako denga madi yidda ata a mapodeta. ⁵ Daku beimage pakassa dengadi yidda ata a buokala, mono daku beimage baku madi'i dengadi yidda ata a sala. ⁶ Ku basayi limmagu ba daku sala, mono ku woletaguni kabubbu-Mu, oh Muori, ⁷ mono baku tekki dommowe ne malangigu, mono padukkige ne ngara dukkanage parawi-Mu a kaladana. ⁸ Oh Muori, ku beige umma padou madaka-Mu, padou nage sangadi-Mu. ⁹ Dou pakassakadi diewagu dugguda yidda ata a sala, mono muorikagu dugguda yidda ata a pamate ata, ¹⁰ na limmana a kabbuge a buokala, mono limma kawanana a bonnuna waige nga'a ritti ¹¹ Takka, ku kako ne a dessa dana. koukaga mono manawaraga. ¹² Na wa'igu na dede togo tana a rata, ne'e pakassa danana ku deikaya Muori.