1
Geilena Daud. Paresawa, oh Muori, oronage baku kako ne'e a dessa dana. Ku waibani Muori mono daku tabirrisama.
2
Paresawa, oh Muori, mono nungawa. pawarrasa gage ate ki'igu mono ategu.
3
Oronage, ne manawara-Mu wa'ige aro matagu, mono ku kako ne'e a bia dana.
4
Daku madi'i denga madi yidda ata a makirri, mono daku kako denga madi yidda ata a mapodeta.
5
Daku beimage pakassa dengadi yidda ata a buokala, mono daku beimage baku madi'i dengadi yidda ata a sala.
6
Ku basayi limmagu ba daku sala, mono ku woletaguni kabubbu-Mu, oh Muori,
7
mono baku tekki dommowe ne malangigu, mono padukkige ne ngara dukkanage parawi-Mu a kaladana.
8
Oh Muori, ku beige umma padou madaka-Mu, padou nage sangadi-Mu.
9
Dou pakassakadi diewagu dugguda yidda ata a sala, mono muorikagu dugguda yidda ata a pamate ata,
10
na limmana a kabbuge a buokala, mono limma kawanana a bonnuna waige nga'a ritti
11
Takka, ku kako ne a dessa dana. koukaga mono manawaraga.
12
Na wa'igu na dede togo tana a rata, ne'e pakassa danana ku deikaya Muori.