¹ Tubada ata a geile : geilena Daud. Oh Muori, ne'e kullisa dana-Mu, na tokko na maringa, ne'e manumara dana-Mu, na maringa takka. ² Mu yanage pabei atena, mono Dou pattu mawe padengina. ³ Oronage, Mu deibayi waige ne kanurru a dessa. Mu tauya na lado omma takka ponnu katuowana. ⁴ Na dengiwe muorika barra-Mu, Mu yanage, mono muorika a malou dukki murri wali murri wali. ⁵ Sangadina na kaladage oronage manumara-Mu. Sangadi mono ne a kaladana Mu yauwe barragu. ⁶ Oronage, Mu yawe kanurrumu barrana dukki murri wali murri wali. Mu pamaringani aro-Mu. ⁷ Oronage, na tokko na waini Muori, mono oro manawarana A Madieta, dana giddukama. ⁸ Limma-Mu a koledi ngara dukkada kamuka-Mu. Limma kawana-Mu a koledi yidda ata a idda bei-Gu. ⁹ Mu rawidi mirrika tullurayi, ne Bou ouda. Muori na pamateyi ne'e bani dana-Na, mono api na padukkaya. ¹⁰ Mu pamoddayi anada walina ponnu tana, mono ubbu aibada walina barrada ana ata. ¹¹ Lakka da kabbuge a buokala barrra-Mu, lakka da kabbuge ne a buokala. dada wenna mawe. ¹² Oronage, Mu pabali liradi, ne Bou pa arodi yidda kalerre busur-Mu barrada. ¹³ Kedde, oh Muori, ne'e kullisa dana-Mu! Ta geile mono deikaguge marobba-Mu.