¹ Tubada ata a geile : Geilena Daud. Semoga MUORI kana walewu ne mayilla danamu. Semoga ngarana Marobba Allah Yakub kana pamadietawu. ² Semoga kana patukadi a tulugu walina ne'e padou a bisa, mono kana rukkawu walina Sion. ³ Semoga kana lolo-Yi ngara dukkada patagumu, mono kana beidi yidda patieba patunnumu. ⁴ Semoga kana yawe barramu ngara dukkada pa kabbumu. ⁵ Ta maringa oronage ne manumaramu, mono ta keketayi bendera waige ngarana Marobba Allahda. Semoga MUORI kana ponnuwe ne padengngida. ⁶ Ne'eya ku paddege, na MUORI na tuludi yidda ata papede-Na. Na waleyi, wali ne li'i-Na a bisa, waige marobba manumara walina ne'e limma kawan dana-Na. ⁷ Yidda nobo keretada mono yidda mono darada, takka itta ta lolowe ngarana MUORI, Marobba Allahda. ⁸ Da kawodo mono da guggila, takka itta ta kedde mono ta dede pamadduna. ⁹ Oh MUORI, tulunina tokko! Semoga Muori kana walema ne bama kawula-Ni.