¹ Tubada ata a geile : Geilena Daud, atana Muori, a tekkiwe barrana Muori tubana na geile, netti loddo na Muori bana tuludi walina limma danada kamukana mono walina limma danana Saul. Ku manawara-Gu, oh Muori, a pakullisawa. ² Muori ngiadona padou addegu, mono a tuluga, Marobba Allahgu, padou addegu, barrana Ngia ku ngaddowe padou mawogu, tuodagu, kadu manumaragu, padou mawogu a madieta. ³ Ku pa ouni Muori, a tuba padeika, bage yauwa na tuluga walinna barrada kamukagu. ⁴ Yidda kalerre mate dana, da podetawa, mono ne a buokala, da pieliwa. ⁵ Yidda kalerre mate dana da podetawa, yidda sirru mate dana da aroga. ⁶ Ne mayilla danagu, ku pa ouni Muori, ku kawula barrana Marobba Allahgu. Wali umma-Na, Na renge gage li'igu, mono kawulagu baku dengiya barra-Na na dukkiwe katillu dana-Na. ⁷ Bage, na giddukawe tana. Mono, kabu letena na kadaddakawe mono na giddukawe, oronage bana bani. ⁸ Ne mau na lousowe walina korru dana-Na, api walina ngada dana-Na na nga'age, malaga api na muttuge walina barra-Na. ⁹ Na pa mokoge langita bage na burruwe, ne kapotta nege kabu wa'i-Na. ¹⁰ Na kalete kerub bage na wurruna, na wurruna ponnu kapa paringi. ¹¹ Na wai padou kabunnige ne kapotta, ne karieka-Na na woleta-Ni, ne'e we'e dana a kapottana mono kawuta a makebbela ponnu langita. ¹² Walina ne mangiewala dana aro-Na, na mollasawe ne kawuta a makebbela, urra es mono malaga api. ¹³ Muori na kagurruka togo langita, A Madieta A Majaga na palousoge li'i-Na, waige urra es mono malaga api. ¹⁴ Na pasellayi ana pana na mono na siebayi, yidda mangiewala na ouda mono da pa bingung di. ¹⁵ Bage, na oudawe bonnu, mono pu'u nage tana na lousowe, oronage bani-Mu, oh Muori, oronage lolo ngaumu a walina korru dana-Mu. ¹⁶ Na patukadi walina padou a madieta Na dekewa, Na tengiwa, walina we'e dana. ¹⁷ Na tuluga walina barrada kamukagu a kullisa, walina yidda ata a idda beiga. Oronage, yidda bada kullisa pongu dugguda yauwa. ¹⁸ Da aroga ne loddo mayillagu, takka Muori ngiadona a rukkawa. ¹⁹ Na palousoga, ne'e padou a luora, Na tuluga, oronage bana manawaraga. ²⁰ Muori na pabali dage a linnana ne a bia, a linnana warrasada limmagu, Na rukkawa. ²¹ Oronage, baku diekudi larana Muori, mono daku rawi mage a buokala arona Muori. ²² Oronage, ngara dukkada ukku-Na wa'idi arogu, mono daku sillirama walina barra-Na. ²³ Ku dessa aro-Na, mono dawa wekina walina sillira dana. ²⁴ Ba linna kowe, Muori na pabali gage a linna na a bia, a linna na warrasada limmagu aro mata-Mu. ²⁵ Barranage a dessa, Mu patingo Bou dessa dou, barrada a sempurna, Mu patingoge Bou sempurna dommo. ²⁶ Barrada ata a warrasa, Mu patingoge Bou warrasa dommo, takka barrada ata a sillira, Dou patingo wekki mana. ²⁷ Oronage, Mu tuludi yidda ata a mayilla, takka matada ata a padeika wekkina Mu parajakayi. ²⁸ Oronage, You dona a pawiegarawe api gu. Muori, Marobba Allahgu, na pamangiewala gage kapottagu. ²⁹ Oronage, barramu You, ku malle walina barrada a pakassana, mono barrana Marobba Allahgu, ku talokage tembok. ³⁰ Na Marobba Allah, lara-Na na dessa, patekkina Murori na manungawe. Ngiadona tuoda ata mangieda a ngaddowe padou mawo barra-Na. ³¹ Oronage, garrani Muori, da ngiakona Muori? Garrani padou adde, da ngiakona Marobba Allahda? ³² Marobba Allah, a kette gage kobbugu waige kullisa, Na padessa gani laragu. ³³ Na rawi gadi wa'igu mirrika wa'i rusa yi, mono na padedewa ponnu letena. ³⁴ Na panunga gadi limmagu bada patauna, ga'i na lakogu kana padde bana pa kalegoya busur tembaga. ³⁵ Mu yagani tuodi manumara-Mu, limma kawana-Mu na rukkawa. Mono, ne mawu-Mu, na pakaladawa. ³⁶ Mu paluora gadi oro wa;igu kabu gu, mono mata wa'igi dada tabirrisa ma. ³⁷ Ku ruotiyi kamukagu mono ku yoppayi, daku bali ma dukki bada dukkana. ³⁸ Ku pubbukayi, ga'i ka dada kedde bali kana. Da guggila kabu wa'igu. ³⁹ Oronage, You doudona a kette gage kobbugu waige pa kullisa denga ba patauna, Mu pa keddeyi bada gobbaga. ⁴⁰ Mu yayi bukkuda yidda kamukagu, mono Mu padukkayi yidda a idda beiga. ⁴¹ Da kawula, takka da'ima a tuludi, barrana Muori, takka dana walema. ⁴² Ku pubbukayi a linnana kobbura pa pawurruna paringi, ku padukkayi mirrika rede lara dana. ⁴³ Dou ga'i maga walina ata a pangangarana. Mu keketawa baku paresayi yidda kadukka tana, yidda ata pa paddegu da kawodo barragu. ⁴⁴ Ne bada rengewe tubagu, da diekuge patekkigu. Yidda ata ieka, da kawodo barragu. ⁴⁵ Yidda ata ieka da melle, mono da kadaddaka bada lousona walina liangu danada. ⁴⁶ Muori na muorika! Deikaya padou addegu, mono pamadietani Marobba Allah manumaragu, ⁴⁷ Marobba Allah a yagage ne pa pabalina, Na tekidage yidda kadukka tana kada kawodo barragu. ⁴⁸ Na tuluga walina barrada kamukagu, Linna takkawe, Mu keketawa ne'e ponnu da, a kedde a gobbaga, Mu tuluga, walina barrada ata a bani. ⁴⁹ Ba linna kowe, ku pamalangi-Wu, tilluda kadukka tana, oh Muori, ku geileni na geile tubana ngara-Mu. ⁵⁰ Na yawe ne manumara a kaladana tubada yidda tokko-Na, mono na patingoge manawara-Na barrada ata pa kuddo-Na, barrana Daud mono ubbu aibana dukki murri wali murri wali.