¹ Da barrama ma yamme, oh Muori, da yamme ma, takka barranage ngara-Mu ba yawe ne sangadi, oro manawara-Mu, oronage bia-Mu. ² Appa yidda kadukka tana maka lidda, 'Gie douni Marobba Allah da?' ³ Marobba Allahma neni Surga dana, na rawige ne ngara dukkanage pabei-Na. ⁴ Yidda kasala tou da ngiadoyi perak mono omma, papayillida limma ata pi'a. ⁵ Mangu ngadada, takka dada paddema papanewe; mata, takka dada ietama; ⁶ katillu, takka dada rengema; korru, takka dada paddema pa dekki; ⁷ limma, takka dana paddema bana padammena; wa'i, takka dana paddema pa kako; mono dada paddema panewe waige bukku we'eda. ⁸ Yidda a linna wa'i dommoya yidda, linna alla doyi ngara dukkada ata a waidi. ⁹ Ta Israel, waini MUORI! Ngiadona a tuludi mono tuoda da. ¹⁰ Ta Ngara dukkami ata ne'e ummaba Harun, waini MUORI! Ngia dona a tuludi mono tuoda da. ¹¹ Yemmi, a madautani MUORI, waini MUORI! Ngia dona a tuludi mono tuoda da. ¹² MUORI na loloda, Na pamaringida. Da pamaringiyi ngara dukkada ata ne'e ummana Israel, Na pamaringiyi ngara dukkada ata ne'e ummana Harun, ¹³ Na pamaringiyi yidda a madautani MUORI, lakka a ki'ina mono a kaladana. ¹⁴ Ga'i MUORI kana tabawu, yo'u mono yidda anamu. ¹⁵ Ga'i yo'u kana pamaringiwu Muori, a rawige langita mono tana. ¹⁶ Ne langita ngiadowe langita douna MUORI, takka ne tana na yawe barrada ana ata pi'a. ¹⁷ Yidda ata a mate dada deikamaya MUORI, mono idda allama yidda ata a burru ne'e a kasika dana. ¹⁸ Takka, ta deikaya MUORI, walina ne'eya mono dukki murri wali murri wali. Deikaya MUORI!