¹ Ne bada lousona ata Israel walina Mesir, Ngara dukkada i ummana Yakub walina kadukka tana a waina panewe ieka, ² Yehuda padounage a bia, Israel marobba nadi. ³ Bonnu da ietawe mono na malle, loko Yordan na bali lirawe. ⁴ Yidda letena da taloka mirrika bebe maneyi, ne ana letena mirrika ana bebeyi. ⁵ Appawe, ta bonnu, maka mu mallewa? Ta Yordan, maka mu bali lirawa? ⁶ Ta letena, appa maka mu talokawa mirrika bebe manewu? Ta ana letena, mirrina ana bebewu? ⁷ Kadadda kami , ta tana, arona Muori, arona Marobba Allah Yakub, ⁸ a kabaliwe ne letena watu bana dadiwe padou we'e, watu leito bana dadiwe mata we'e.