¹ Deikaya Muori! Ku pamalangiya Muori walina ate danagu, ne'e pakassada ata a dessa ate mono barrada ata a waini Muori. ² Na kaladage parawina Muori, na ngaddowe yidda ata a beige. ³ Na kaladage pa payilli-Na, ne bia-Na ienga douge dukki murri wali murri wali. ⁴ Na rawige ne Tada-Na bana palolo waige, Muori na dessa ate mono na pamanawara. ⁵ Na yadi panga'a barrada ata a madauta-Ni, Na lolowe pa parasi-Na dukki murri wali murri wali. ⁶ Na tekkinage yidda ata-Na ne papayilli-Na, bana yadage douda yidda kadukka tana. ⁷ Pa payillida limma-Na ngiadoyi a bia mono a idda buoto ngobba, ngara dukkada parawi-Na ienga doudi. ⁸ Neya na katto pakitage dukki murri wali murri wali, ga'i ka dieku pakitage ne'e a bia dana. ⁹ Na pangiddige patagu sala barrada ata-Na, Na paretawe paparasi-Na dukki murri wali murri wali . Na bisawe mono paka'age ngara-Na. ¹⁰ Madauta-Ni Muori ngiadowe padou walinage padde, ngara dukkada ata da diekuge ne parawi-Na mangu paddeda a dessa. Ba deika-Ya iengage dukki murri wali murri wali.