Kawukku 110
1
Lawitina Daud. Li'i-Na Muori barrana muorigu, "Madi'iwu tuba kawana-Gu, dukki yidda kamukamu Baku wai kappe wa'igudi".
2
Muori na pajuolani tokko pakullisa waimu walina ne'e Zion :'Paretawu ne'e tilluda kamukamu'.
3
Kabisu kadukka tana-Mu da ya wekkina, ne'e loddo marobba-Mu, waige patau a bisa. Walina taruonga danana kabu ngedde ki'i, bage ammige barramu mirrika we'e penniwe.
4
Na aura Muori, mono dana kabali mawe atena, "You dona rato dukki murri wali murri wali, pa linnana Melkisedek'.
5
Muori wa'ini ne'e tuba kawanamu, Ngia na pabuttayi yidda tokko ne'e loddo bana bani.
6
Ngia na ukkudi yidda kadukka tana, Na ponnuyi waidi ata mate, Na pabuttayi yidda ata pareta ne'e padou a luara.
7
Na ienu walina ne'e uppu lara, bage Na keketawe katuowana.