¹ Deikaya Muori! Maringana ata a madautani Muori, a bei takkage ne pareta-Na. ² Yidda ubbu aibana da kullisa ne'e ponnu tana, ubbu aibada ata a lurrusa atena da pamaringidi. ³ Dou mono pote wai'di ne'e ummada, ne a bia a madduge dukki murri wali murri wali. ⁴ Ne a mangiewala a oudawe ne'e kapotta dana barrada yidda ata a lurrusa atena, Ngia na dessa ate, pa manawara, mono na beige a dessa. ⁵ Na dessawe na ata bana ya tuddu, bana urusawe torana waige a dessa. ⁶ Oronage, ngia ba dana gidduka , da loloya dukki murri wali murri wali. ⁷ Dana madauta mage nemmi parenge a idda dessa, atena na pakattoge, na waige barrana Muori. ⁸ Atena na pa addege, dana madautama, dukki bana gillakadi kamukana. ⁹ Na yadi ata a idda manguna, ne a bia na madduge dukki murri wali murri wali, kaduna pamadieta nage ba pa akani. ¹⁰ Ata a sala da ietawe, mono da bani, na pa giggitadi ngudduna bage na mubbukayi, pa beida ata a sala na moddayi.