¹ Tubada ata a geile : Lawitina Daud. Barrana Muori, ku ngaddowe a mannangu, peina ne yemmi ba lummugani diewagu, " Wurruna ne'e togo letena a linnana keila!' ² Oronage, ietawe, yidda ata a buokala da pasellaya na pana na. Da boddala miema pana togo kalerre na, ga'i kada panah ne'e kapotta dana, yidda ata a dessa ate. ³ Ne pu'una ba siebakowe , appana parawida ata a bia? ⁴ Muori ne'e - Ni padou-Na a bisa, padou madi'i-Na Muori ne'ege Surga dana. Mata-Na da ieta, mono kaluggu mata-Na na nungayi yidda ana ata. ⁵ Muori na nungayi ata a bia, takka dana buttu madi ate ata a diraka mono ata a beige a buokala. ⁶ Na burrudi ata a buokala waidi sirru, api, belerang, mono paringi a wadala, ngiadoyi mayilla da. ⁷ Oronage, Muori a bia, Na beige a bia. Ata a bia da ietanage mata-Na.