¹ Tubada ata a geile : Bada waige Syeminit. Lawitina Daud. Oh Muori, pa manumarama. Oronage, yidda ata a bia bada dukka bana. Oronage, yidda ata a waige da modda bana walina tillu ana ata. ² Da tekkiwe a idda dessa barrada ole atada. Da waige ro'o wiwida mono ateda a kasangnga bada panewe. ³ Lakka na Muori kana ropo dadi ro'o wiwida, mono lommada a panewe kalada. ⁴ Lidda, "Oro lomma, maka ma kullisa. Ro'o wiwima ngiadoyi ro'o wiwi douma. Garrani muorima?" ⁵ "Oronage a buokala barrada ata a mayilla, oronage ngi'oda ata a idda manguna, ne'eya ku kedde," li'i-Na Muori. "Ku yadi manumara yidda ata a beige". ⁶ Li'i-Na Muori ngiadowe patekki a linna takkana, mirrika perak ya panungada ne'e dapura tana dana, da nungaya dukki pittu wudda. ⁷ You, oh Muori, a dawayi. You a dawayi walina ni'iya dukki murri wali murri wali. ⁸ Ata a buokala da kako bada woletage, ne a bowo bada pamadietage yidda ana ata.