¹ Na iyya geile. Lawitina Daud. Ne ategu na madduge, oh Marobba Allah! Ku geile mono ku lawiti, linna alla dowe ne sangadi-Mu! ² Kedde, ta gambus mono kecapi! Ku pa keddeya kabu gedde ki'i! ³ Ku beige pamalangi-Wu, oh Muori, barrada yidda kabisu kadukka tana. Ku beige lawiti tuba-Mu, barrada kadukka tana. ⁴ Oronage, ne manawara-Mu na kaladage bana loukawe langita, manawara-Mu na dukkiwe togo kawuta. ⁵ Madieta-Wu, oh Marobba Allah, loukawe langita, ga'i ne sangadi-Mu kana loukawe tana. ⁶ Ga'i yidda ata pa manawara-Mu ka pasellayi, tuludi waidi limma kawana-Mu mono walewa! ⁷ Na panewe Marobba Allah ne'e bisa dana-Na : Ku maringa, Ku beige baku barewe Sikhem mono ukurawe ngaba Sukot'. ⁸ Gilead ngiadowe dou-Gu, Manasye ngiadowe dou-Gu, Efraim ngiadowe padou katuowa-Gu, Yehuda ngiadowe tokko sangadi-Gu. ⁹ Moab ngiadowe kuoba padou basa wai-Gu, barrana Adom, Ku letoge kappe wa'i-Gu. barrana Filistea, Baku maringa'. ¹⁰ Garra a beige ngiddiwa ne'e padou a kattona? Garra a dutuwa arona Edom? ¹¹ Mu tullaragama ngia, oh Marobba Allah? Mono, Dou maju dengnga madi yidda tentara ma, oh Marobba Allah? ¹² Tulugama walina barra kamukama, oronage ne manumara a walina barrada ata da'ima larage. ¹³ Barrana Marobba Allah, dta rawige a kaladana, oronage ba Ngia dona a deke dadi kamukada.