¹ patekkina agur,anana yake,a walina masa.linna na ata,''ku talunnasa,ya Marobba Allah.ku duali, ya Marobba Allah,dukki banna dukkage kullisagu.'' ² linna takkawe,ku ngade pongngu bakku dadi ata,daima paddegu bakku dadi ata. ³ dakku belajaramawe hikmat,atau waige padde tubana a mahakudus. ⁴ garra a bali penne ge surga monno a burru?garra a bali pakassana paringngi ne uggu dana-Na?garra a kaboro wee waige ingngina?garra a bali padidarawe uppu ponnutana?garrani ngara-Na?ianga paddemuni! ⁵ ngaradukkage lii Marobba Allah na terujiwe.ngiana pamenneda a mawo barra-Na. ⁶ illa tabakawe lii-Na,gaimu illana bakawu,monno na gaugu bou berdusta. ⁷ duada kanna pa dengngi gu-Gu,illa tullarakaga ba dakku mate kopo. ⁸ pamarro gage curangu monno kawossoka wali barragu,illa yakaga milla atau pote,yaga pangaa a dadi tubagu. ⁹ gaimu illa ku biakuta monno menyangkala-Wu,bage luggu,''garrani Muori?''atau ku dadi milla monno ku kiadu,bage ku pamakkenage ngarana Marobba Allahgu. ¹⁰ illa waikanna fitnah na ata lai muarina,gaimu illana kutukawu monno you gaugu bou jala. ¹¹ wai generasi a kutukaya amana,monno danna manawwaramani innana. ¹² waidi keturunan a anggap wekkina suci,tapi danna basa mawe rai douna. ¹³ waidi generasi a sombongu matana,a keketa pamadiatadi kalukku matana. ¹⁴ waidi generasi ngudduna a linnana kiato,nguddu ullena a linnana kiato,tuba badda padukkayi ata milla wali ponnutana,monno ata malarat wali ata. ¹⁵ na lamadeka waidi duada ana mawinnena,''ya,ya.''waidi touda dappa puasu,pata dappa tekki,''tutu.'' ¹⁶ ponnutana ata mate,padou paana idda paana,ponnutana a idda puasu waina wee,monno api a idda panewe,''tutubawe.'' ¹⁷ mata a kameloni amana monno idda patooya innana,na tuttukaya gaga mette monno da ngaani ana'da rajawali. ¹⁸ waidi touda a ajaib tubagu,pata dappa paddegu. ¹⁹ kakona rajawali ne togo langita,kakona nippe togo watu,kakona kapala ne tillu bonnu,monno kakona kabani duguda lakawa mawinne. ²⁰ na ngiana larana mawinne a berzina,na ngaa monno uapiwe ngadana,bage linna,''dakku rawimanna a buakala.'' ²¹ oronage ne touda ponnu tana na kaguayakawe,oronage ne pata danna tarrumage. ²² orona na budaku,dukki banna dadi tokko,monno ata ngade,dukki banna pabiakutaya pangaa, ²³ na mawinne dappa bei,dukki ba wai lai'na,monnona budaka mawinne,dukki banna siapanage pamadii'na nyonyana. ²⁴ pata a kiina ne ponnu tana,tapi da padde. ²⁵ kamauta,bangsa a idda kullisayi,tapi da pakassana pangaada rasi wadala. ²⁶ pelanduk,bangsa a idda perkasa,tapi da rawina ummada togo watu. ²⁷ kabala a idda mangu tokkona,tapi da barida teraturana. ²⁸ rakke,pa yoppa waimu limma,tapi waidi ne istana-istana tokko. ²⁹ touda ranga a dessa pagana,pata a dessa kakona. ³⁰ singa,a kullisa wali ranga a bani,monno dadda iarumanna lakka aro appakona. ³¹ manu mane a kiddika wekkina,kamiaka mane,monno tokko aro rakyatna. ³² you ba bali dadi kommu ata ngade mu pamadiata wekki doumu,atau bu kabbukoge buakala,tauya limmamu togo ngadamu. ³³ oronage,a linnana susu pa tenneka,bage na louso mentega,monno korru ba tenne kakoge,na lousowe raa,makka ne bali ba tennekakoge na oudawe pangangngarana.