¹ patekkina lemuel,tokko masa,pa bowonani innana. ² appa nage,anagu?appa nage,ana dougu?appa nage,ana nazargu? ³ illa yakawe kullisamu lai mawinne,atau kakomu lai yidda a pamate tokko. ⁴ danna pantasamawe tuba tokko,hai lemuel,danna pantasamawe tuba tokko bou ianu anggura,atau ata kalada banna beina pa ianu a kattona. ⁵ illami ianukanna monno dengngage bali papatetapu,monno pakalegodi hak'da ngaradukkana ata a tertindas. ⁶ yadi pa ianu a kattona ata a mate,monno anggura ata a poddu muarikanna. ⁷ gaimu kadda ianu monno dengngage millada,monno dadda lolo kiamawe sadukkada. ⁸ wukkuwe ngadamu tuba ata kabangnga,tapi douda ata a dada. ⁹ wukkewe ngadamu monno hakimiyi ata waige adila,monno bokkayi ata milla monno malarata. ole umma a dessa ¹⁰ ole umma a padde,garra a sangngataya?na louka papa welli wali permata. ¹¹ atena lai na na waini,monno laina danna kurangumani ritti. ¹² na manawwarani laina,monno danna buakalamani,iyya loddo iyya loddo badda muarika. ¹³ na ngaddo wullu bebe monno rami,monno na sennangu banna payilli waidi limmana. ¹⁴ ngia a linnana kapala a mabatta,na ngiddi pangaana wali padou a marro, ¹⁵ na kaedde banna gedde pona banna patiina pangaa tuba ngaradukkada ole na umma,bage na baredi papa yillida pelayan-pelayan mawinnena. ¹⁶ na kilo uama monno na woi,waidi pakole limmana,na taddodoi uama anggura. ¹⁷ kobbuna na kette waige kullisana,monno rawidi lakona badda kullisa. ¹⁸ na paddege ne utuna na dessawe.lampuna danna boddamage dukki gedde. ¹⁹ na tauya limmana togo piapaka pa ulla,monno karagga limmana terrena pa ulla. ²⁰ na wukkeyi limmana tuba ata milla,monno na sorodi limmana lai a melarat. ²¹ danna madutamanna kalikku tuba olena umma,oronage ngaradukkada olena umma da waina kalabbe kaba kirmizi. ²² na rawina permadani,kalabbe ngiayi lenan halusa monno kaba ungu. ²³ laina paddeni ne binna-binna tama,baneeni a madii dengngadi a kawiada ne negri ²⁴ na rawina kalabbe wali lenan monno na battadi,na yayi kalerre begge lai a mabatta. ²⁵ kullisa monno paaka ngiawe kalabbena,monno na malika tuba rasi a mai. ²⁶ na wukkuwe ngadana waige hikmat,monno bowo a dessa waige togo lommana. ²⁷ na patiati kuage paraiwida olena umma,monno danna ngaamadi papa tii mawwo. ²⁸ anana da kedde da tekkiya berbahagia.monno dommo laina,na deikaya, ²⁹ ''mangiada mawinne a dessa parawina,tapi you mu louka kuayi.'' ³⁰ manada mata panipuwe,monno kemolekan daima larage,tapi mawinne a madautani Muori deikaya. ³¹ yanadi barrana pakole limmana.monno gaimu papayilli douna kanna deikaya ne binna-binna tama.