¹ ata pa baka pakita,tapi ianga doudi badda katto katuawa,tiba-tiba pamanua'a yi dadda bisama palengngana. ² dukki badda taba mangiada ata bennara,rakyat da sennangu,tapi dukki badda paresa ata fasik,rakyat da mengeluh. ³ ata a beige hikmat,na pasennanguya amana,tapi a oledi pelacur na paborosadi potena. ⁴ waige adila tokko na pakeddewe negri,tapi na a pakassa mangiadana pajak na pukkani. ⁵ ata a jalliyi ole atana,na tauni sirru wai douna. ⁶ ata a buakala na sirru douya buakalana.tapi ata a bennara da pakallaka paya wouna. ⁷ ata bennara da paddedi douda ata milla,ata fasik dadda paddemage neya. ⁸ a pencemooh da pakacowe kota,tapi ata padde da pangau bani. ⁹ ata padde badda palakara dengngakodi ata ngade,ata ngade da da bani atau malika ba makka daige a kadenna. ¹⁰ ata a marouna raa dadda beimadi ata bennara,tapi ata a jujura da ngaddowe muarika. ¹¹ ata ngade na palouso kuage banina,tapi ata padde na kadenna na tarruge. ¹² a paresa badda rengngeko pendusta,ngaradukkada pagawena da fasik. ¹³ a milla monno penidas badda patabbokakona,Muori na pamangiawaladadi matada. ¹⁴ na tokko banna adila koyi ata milla,pamadiina inaga douge dukki kadukkanage. ¹⁵ rotan monno baka na yada hikmat,tapi lakawa pa gai da pamakkeya innada. ¹⁶ dukki yidda ata fasik badda mataba,jalada na taba mangiadawe,tapi ata bennara da iatayi badda kaboula. ¹⁷ bowoni anamu,na yagu ketentraman,na pamai sennangu tuba toumu. ¹⁸ ba daikoni wahyu,rakyat dappa kendalimayi,tapi da bahagia a patoowe uku. ¹⁹ na ata danna bisa ma ba bowo waini patekki,oronage lakka na paddeko,danna patooma. ²⁰ mu iataya ata a giasa panewena?pamenneda ata ngade na louka paluadi wali na ata. ²¹ garra a manawwarani ata'na wali banna kiina,na padadini penerusna. ²² ata a perna pa oudana pangangngarana,monno ata a giasa bani na luadi jalana. ²³ sombonguda ata na paradaka wekkina,tapi garra a radaka roh dana na deiba deika. ²⁴ garra a oledi ata kiadu,na benci wekkina,na patoo kutukan,tapi danna tekkimawe. ²⁵ madautadi ata pamaiwe sirru,tapi garra a waini Muori pamadiatani. ²⁶ mangiada ata a ngaddo mata lai a paresa,tapi wali lai Muori ata badda kolena adila. ²⁷ ata a idda adila ngiawe dappa beina Muori,monno ata a lurrusa larana ngiana dappa beida ata fasik.