¹ ne rasi lakka linnakowe,ba dai tokko ne israel.waini ata lewi a madaka nee bali letena efraim,a deke gundik wali betlehem yehuda. ² lokko balinnawe,gundikuna na berzinah,monno na duddakani na bali umma amana nee betlehem yehuda,bage na madaka ne bali selama pata wulla. ³ kamurrinage,na sadia lai'na,na kako diakuni na mawinne.na kabbuge banna woddaya banna marengnga balini,marengngadi bujangna monno iyya pasang keledai.dukki na mawinne banna marengngani tama ne umma amana,monno amana na iataya,ne sennangu banna koleni. ⁴ yiarana,amana na bua winne,na iarini banna madaka oleni selama touda loddo.na ngaa, ianu monno na taddo nee bali. ⁵ kamurrinage,dukki loddo ke pata,dukki banna kedde kabu gedde banna sadia banna kako,na amana bua winne linnani na lasawana,''pa segara wekkimu ngaa kadippuka roti,kamurrinage kakoge.'' ⁶ bage,yidda duada da ngaa monno iangu dobba.na amana bua winne linnani na kabani,''piatawe kou madaka pa taddo gaimu kanna gembirawe atemu.'' ⁷ na kedde na ata banna kako,tapi na yiarana na pangettaya banna taddo nee bali. ⁸ dukki loddo a ke limmana na kedde kabu gedde banna kako,linna na amana bua winne,''pasegara wekkimu monno madaka dukki banna malena.''bage,yidda duada da ngaa. ⁹ dukki na ata banna kedde monno kako marengngadi gundik monno bujangna,linnana yiarana,amana na bua winne,''iatawe,karurunage mata loddo bali burruna monno bali malena.madakawu oro neeya mata loddo bali tamana.tarruna niiya gaimu atemu kanna gembirawe.kedde kabu kagedde dukki kuaka,monno kako kou bali ummamu.'' ¹⁰ lokko balinnawe,na ata danna nauma pa taddo.na sadia monno kako.na dukki nee aderah a pa aro dengngage yebus-ngiawe yerusalem.marengngana waidi iyya pasang keledai berpelana monno gundikunna a diakuni. ¹¹ da dukki nee yebus,dukki mata loddo ba bali padaka pongnguna.na bujang linnani muarina,''mai katta li ne kota'da ata yebus,monno katta taddo nee bali.'' ¹² na wale na muarina,''illata li kanna niiya,ne kota ata waddeka,dappa douda ata israel.ta kako pakita dukki ne gibea.'' ¹³ linna kiani bujangna,''mai katta kako iyya kota ne gibea atau rama katta madaka taddo.'' ¹⁴ bage da kako monno kako pakita dukki banna tama mata loddo,ba badda dukki barra gibea,douda kabisu benyamin. ¹⁵ oro neege,da li nee bali monno da tama badda taddo nee gibea.da mai monno rawina kariaka ne luara kota.daima ata a pamaiyi badda taddo ummada. ¹⁶ lokko balinnawe,na rato na bali wali dou payillina uama dana dukki loddo.ngia ata a walinanni letena efraim monno menumpang nee gibea a linnana ata a madaka ne padouda ata benyamin. ¹⁷ dukki banna keketawe matana na iatayi ata ne laradana ne tana a luara ne kota,na matua na ata,''gia kako ngiami monno gia wali ngiami?'' ¹⁸ na waleya ,''maimage wali betlehem-yehuda kakomage nee bali letena efraim,oro nee bali padou waligu.a ulluna neega betlehem yehuda,tapi neeya kakoguge nee ummana Muori.lokko balinnawe,daima ata a pamai ummana.'' ¹⁹ lokko balinnawe,waidi jerami monno ngaa keledai,waidommo roti monno anggura tubagu,ata gu mawinne,monno bujangugu a diakuga.na atamu daima a kuranguni.'' ²⁰ na rato linna,''mu sejahtera.lokko balinnawe,pabutumu ku tagukodi,illamu taddokanna ne tana luara.'' ²¹ kamurrinage,na marengngadi ummana,na yadi pangaada keledaina.da basayi waida,kamurrinage da ngaa monno ianu. ²² da sennanguyi ateda.lokko balinnawe,ata kota,rombongan ata kiadu da woletage ne umma.da tuddawe ne binna monno liddani na rato,muari umma,lidda,marengngadi ata a tama ummamu gaimu kamma oledi.'' ²³ na lousona na kabani muari umma banna tabbokayi,monno linnadi,''iddama ole dadigu.ku dengngimi illa rawikage a buakala barrada a bali tama a diakuga ne ummagu.illa rawikage jala a linnana. ²⁴ lokko balinnawe,waini ana mawinnegu a perawanupo,dommo gundikuna pa bisa pa ngiddigu lousona.oledi monno rawige pa beimu barrada.namun,illa rawikage ne jala na lai ata.'' ²⁵ lokko balinnawe,yidda ata dadda patoo mannage patekkina.bage,yidda ata da paksaya marengngani gundikunna banna lousona,ba makka da oleni monno malingngo waini iyya gedde dukki kabu gedde.da pasellaya na mawinne kabu gedde banna ouda mata loddo. ²⁶ ammi ni na mawinne dukki kabu gedde,bage na guggila ne binna tamana na ata,ne padou waini muarina,dukki banna ouda mata loddo. ²⁷ muarina na kedde kabu gedde,bage na wukke binna umma tuba banna kako pakitani larana.monno,na iataya gundik mawinnena banna guggila ne binna ba tama umma duguda limma ne togo ngada binna. ²⁸ bage linnani,''keddege,mai katta kako.''tapi danna walema.bage,na keketaya na mawinne makka na ailani togo keledaina,na sadia,bage na kabani na kako padou madakana. ²⁹ ba banna dukki ummana,na deke kiato bage na terrenage wekkina na gundikunna monno na tippu-tippu kannadi ri'na makka na daditi kabullu dauada kadippuka,na pangiddidi ne lai ngaradukkana daerah ata israel. ³⁰ kamurrinage,ata a itawe lidda,''danna dadi mapowe monno daimapo a linnana,wali paburruda ata israel badda lousona wali tana mesir dukki neeya.patiatige,pangeddage monno panewege ne a dadi.''