¹ kamurrinage,da kako kua ata israel badda pakassana.iyya monno iyya ata a walina dan,dukki bersyeba monno tana gilead da pakassana aroni Muori nee mizpa. ² da dede a walina ngaradukkana penjuru bangsa ngaradukkada kabisu israel umatunna Marobba Allah pata ngasu rata ata mangiadada,a kako tana monno a angu senjata pedanguna. ³ da rengngewe ata a walina kabisu benyamin,yidda ata israel ba bali waidi nee mizpa.ata israel lidda,''tekkiwe peiwainage ne buakala banna dadiwe?'' ⁴ na panewe na ata lewi,laina na mawinne papamate,linna,yauwa monno gundikuggu ma dukki nee gibea,douda kabisu benyamin,bamma taddo nee bali. ⁵ kamurrinage,da dede ata gibea keppunguwe ne umma dukki banna geddena,pa kabbuda ka pamateya liddaga.kamurrinage,da laani gundikugu dukki banna mate. ⁶ bage,ku dekeya mayatuna gundikuggu,makka ku tippu-tippukaya makka ku pangiddini ne ngaradukkana daerah ata israel,oro ba bali rawidage parawi keji monno parawi a buakala ne israel. ⁷ neeya,hai ngaradukkana ata israel,yana bowo monno papa ngeddamu niiya.'' ⁸ kamurrinage,da kedde kuayi ata wali ne bangsa,monno serentak ba lidda,''daima iyya ata a kako kemah danana,monno daima iyya ata a bali ummana. ⁹ oronage,ne ngiawe palakara pa rawida,tauyi gebea monno letona undi. ¹⁰ ta pidi a walina kabisu israel kabullu ata wali a ngasuna,ngasu wali a ratana,rata wali a kabullu ratana,kadda deke pangaa tubada tentara a kako patauna nee gibea-benyamin,togo palakara noda parawida ne israel.'' ¹¹ bage,da pakassa kuana ata israel badda gobbage ne kota.iyya-monno iyya pakassa dengngadi waddeka. ¹² kamurrinage kabisu israel da pangiddina ata lai ngaradukkana kabisu benyamin duguda panau,''appa makka na dadiwawe buakala a linnana? ¹³ monno,neeya ya kuayi kabani dursila a waina nee gibea,gaimu kamma uku pamateyi monno ka uapiwe ne buakala israel.tapi,ata benyamin dadda nauma pa deibawe monno papatooyi patekkida ole dadi'da wali paburruna israel. ¹⁴ kabalinagege,ata benyamin a walina kota da pakassana nee kota gibea badda kako patauna gobbadi ata israel. ¹⁵ da yiapadi ata benyamin a walina kota waddeka ne loddo:duada kabullu enne ratada ata a mangu senjata pedanguna,dadda tamama a iangana nee gibea ba yiapadi pittu ngasu ata pa pidi. ¹⁶ wali ngaradukkada yidda laskar,pittu ngasuda ata pa pidi a kidal.limmada a kidal,pasellako watu daima a maleset lakka iyyako roo loge. ¹⁷ Ata israel yiapa dommodi luada,danna tamamayi kabisu benyamin,yidda pata ngasu ata a mangus senjata pedanguna,yidda iyya-monno iyya prajurituyi. ¹⁸ da kako ata israel nee betel,bage da tuaya Marobba Allah,''garra a kako ullu patauna pa gobbadi ata benyamin?''Muori na wale,ata yehuda a kako ullu.'' ¹⁹ Ata israel da kedde kabu gedde badda rawina kariaka monno kepunguwe nee gibea. ²⁰ kamurrinage,da kako ata israel ba patauna gobbadi ata benyamin.ata israel da aturaya barisan patau'da gobbadi gibea. ²¹ kamurrinage,ata benyamin da mai wali gibea,da pamateyi duada kabullu duada rata ata israel togo tana nee loddo. ²² Lokko balinnawe,ata israel da dai baliyi kullisada monno aturaya barisan ne padou a miarana ne loddo a ullu. ²³ bage,da kako ata israel monno ngio ne arona Muori dukki banna tama mata loddo.kamurrinage,da tuaya Muori lidda,''ma kako kaddona patauna gobbadi ata benyamin,ole dadima?''na wale Muori,''kako aro'di.'' ²⁴ ata israel da kako barradi ata benyamin dukki loddo ke duada. ²⁵ bage,da kako ata benyamin badda todoyinee gibea dukki loddo ke duada monno pamate baliyi ata israel kabullu paddo pata rata ata ne togo tana.ngaradukka kuada mangu senjata pedang'da. ²⁶ da kako kua ngaradukkada ata israel,ngaradukkada bangsa monno da dukki nee betel.nee bali,da madaka badda ngio ne arona Muori.dadda ngaa ianuma dukki banna malena duguda da ya korban patunnu monno korban muarika ne arona Muori. ²⁷ Ata israel da tuaya Muori.ettiponna,waige tabut pa janji nee bali. ²⁸ pinehas,anana eliazer,anana harun,na payilli aroda ettipona.da panewe,''ma kako kiapo patauna sadekka kia gobbadi ata benyamin,ole dadima?ba idda ko pangauwe?''Muori na wale,''kako,oronage dukki kuaka ku yayi lemma danami.'' ²⁹ bage,ne barrada ata gibea ata israel da tauyi a pariama-a pariama. ³⁰ da kako ata israel gobbadi ata benyamin dukki loddo ke touda.da aturaya barisan'da a linna duana badda gobbadi gibea. ³¹ da kako ata benyamin badda todowe ne laskar.da terpancing duddakage kota monno mulai ba pakalayi duguda pamateyi yidda bangsa a linna duana ne lara dana.pirra ata da kako nee betel,ba neege waddeka da kako gibea li uama dana.wai touda kabulluda ata israel a mate. ³² lidda ata benyamin,''da kala pakita ne aroda a linna duana.''lokko balinnawe,ata israel da panewe,''malle pancinguyi kadda lousona wali kota dana kadda kako togo lara.'' ³³ lokko balinnawe,ngaradukkada ata israel da kedde wali padou'da monno da aturaya barisan nee baal-tamar.baneepoge,a pariama-pariama isreal da lousona wali padouda da kako padou a mawukke nee gibea. ³⁴ da mai aroda gibea kabullu rata prajurit pa pidi wali ngaradukkana israel.na dadiwe ne patauna,yidda ata dadda paddemage ne mate ba ammige barra'da. ³⁵ Muori na palu pakalayi ata benyamin ne aroda ata israel.nee loddo,ata israel da padukkayi ata benyamin duada kabullu rata ngasu ata.yidda ata mangu senjata pedang kuada. ³⁶ da iatawe ata benyamin badda pakalayi.ata israel da iaruna wali padouda ata benyamin,oronage da mennedi a pariama pa tauda nee gibea. ³⁷ yidda a pariama da giasa rawige penyerbuan ne gibea monno da kako badda pakalayi ngaradukka nge kota waige mata kiato. ³⁸ na dadi permufakatan barra'da ata israel monno a pariama badda pakaladage mau api a penne wali ne kota. ³⁹ dukki yidda ata israel badda bali wali patauna,ata benyamin ammidi badda pa serang monno pamateyi ata israel touda kabullu prajurit.oronage,papa ngadda'da,''ianga taudadi monno pakalayi ne aroda,a linnana patauna a ullu.'' ⁴⁰ mulai ba ammige mau a bolona a penne wali kota,ata benyamin da patiatige lira monno da iatawe mau a penne wali ne ngaradukkanage kota a penne togo langita. ⁴¹ kamurrinage ata israel da kabali ba makka da madauta ata benyamin,oro da iatawe ba ammige mate barrada. ⁴² da kiadu wali aroda ata israel da sagana ne a arona maredda binara,ne patauna lakka dappa hidarakowe ne kota dana monno pamateyi nee dana. ⁴³ da kepunguyi ata benyamin,da ruatiyi dadda ngauma,monno gaudi dukki nee aro gibea,nee tuba timura. ⁴⁴ da mate kabullu paddo pata rata ata benyamin.ngaradukka kuada kabani a baraniyi. ⁴⁵ waddeka da bali monno da kiadu ne maredda dana,ne togo letena watu nee rimon.da rawige tau padiaku ne togo lara lai limma rata ata.danna biatamawe badda ruatiyi badda diakudi dukki nee gideom,ba makka na mateyi duada rata ata wali yidda. ⁴⁶ monno,ngaradukkada a mate a wali nadi kabisu benyamin nee loddo duada kabullu limma rata ata a mangu senjata pedangunadi.ngaradukka kuada ata a manadanadi. ⁴⁷ lokko balinnawe,enne ngasu ata da kabali monno da kiadu nee maredda dana,ne togo lete watu na rimon selama pata wulla. ⁴⁸ kamurrinage,ata israel da balidi ata benyamin monno pakala waidi mata kiato nee kota dana,ata monno ranga,dukki ngarradukka kuada pa gauda.da padukka waige api ne ngaradukkana kota a waina nee bali.