¹ dukki neege,daima tokko'da israel,monno ettipona,kabisu dan needi a ngaddo tana padou madakada.oronage,dukki ettipona,dadda kole manna douda wali kabisu israel. ² bage,paburruda dan pawedeyi oleda,limma ata wali ngaradukkada luada,ata a manadana wali zora monno eshtaol,badda kapadage ne negri monno salidikawe.liddadi yidda ata papawede,''kako monno salidikawe ne negri!''ba badda dukki nee letena efraim,ummana mikha,bage da taddo nee bali. ³ ba badda dukki barra ummana mikha,na paddenage pata panewena na bua mane kabisu lewi,bage da li nee bali monno da tuaya,''garra a marengngagu niiya?'' ⁴ na waleyi,''linna doyi parawina mikha barragu.kasiawanaga bakku dadi ratona.'' ⁵ da panewe,''tolong,tuaya Marobba Allah gaimu kamma paddege,ma makolekadona na lara pakakoma?'' ⁶ na wale na rato,''kako kei muarika.Muori na patiati dessani lara pa kakomi.'' ⁷ bage,da kako yidda limma ata monno da dukki nee lais.da iatayi rakyat a iangana nee bali,ne peraturan'da ata sidon,da muarika aman monno tentram.daima a kurangudi ne ponnu tana,monno da pote.da pamarro wali lai ata sidon monno dadda ole manna lakka garrako. ⁸ bage,da bali lai du ole dadida nee zora monno eshtaol,monno da matua,''appa pakolemi?'' ⁹ da wale,''sadia ka kako monno seranguyi.oronage,bali iatamage ne negri,na dessa pongnguwe.mi beige bei madaka kadenna?illa lambatakana ba kako tama monno ba madiige ne negri!'' ¹⁰ dukki bei tamako dana,mi dukki di rakyat a muarika tentram,monno negri a luara uppuna.oronage,Marobba Allah bali yanage limma damu.ngiawe negri nee dana daima a kuranguge lakka appa kona ne ponnutana.'' ¹¹ bage,da kako wali bali,paburruna kabisu dan,wali zora monno eshtaol.enne ngasu ata da lengkapu senjata papa tau wai. ¹² da kako monno rawina kariaka nee kiryat-yearim,nee tana yehuda.linnadowe,ne padou makka pangaragemahane-dan dukki neeya.padounage nee tuba barat kiryat-yearim. ¹³ da kako pakita wali bali arona nee letena efraim monno da dukki ummana mikha. ¹⁴ da panewe yidda limma ata a bali mai badda kapadage ne negri lais.lidda'di ole dadi ole kabisu'da,''mu paddekadoge,ne umma ba wai efod ge,terafim,patung pa buala,monno patung tuangan?oronage nee,padde kige appa na parawimu.'' ¹⁵ da arona nee bali,bage da dukki ummana na bua mane a walina kabisu lewi,nee ummana mikha,monno da tuaya kabarana. ¹⁶ ole nage nee,enne ngasu ata paburruna a walina kabisu dan a nettena senjata da dede nee binna tama. ¹⁷ da kako yidda limma ata a bali mai kapadage ne negri da tama dana monno dekeya na patung pa buala,efod,terafim,monno na patung tuangan.rato da dede nee binna tama monno enne ngasu ata a lengkapu senjata papatauwai. ¹⁸ bage,waddeka da tama dommo ummana mikha monno deke patung pa buala,efod,terafim,monno patung tuangan.linna'di na rato,''appa nage parawimi?'' ¹⁹ da wale,''kadenna,tauya limmamu togo ngadamu.diakugama kou dadi ama monno ratoma.na louka padessakadowe bou dadi rato togo ngaradukkada i'umma ata atau bou dadi rato kabisu monno paburruna israel?'' ²⁰ na sennanguwe atena na rato.na dekewe efod,monno terafim,monno patung pa buala,monno na tama ne tillu ata mangiada. ²¹ bage,da kabali monno da kako.kamurrinage,da tauyi lakawa,monno ranga,monno pangiddi a pawelli ne aro. ²² dukki ba bali marroda ummana mikha,ata wali umma a neena barra ummana mikhada pakassana monno da ruatiyi yidda ata a walina kabisu dan. ²³ da kawuladi ata dan,ba makka da kabali aroda yidda ata monno liddani mikha,''appa oro makka mu paouna?'' ²⁴ na wale,''Marobba Allahgu parawigu bali dekemuni,linna dommo ratogu na diakugu.appa kiana a iangana?appa makka mu tekkiwagage barragu,'appa na a pa oro?'' ²⁵ ata dan da waleya,''illa marengnge kiakagudi patekkimu,gaimu illa wai ata a patauna oro karodduka ate,bage kaiguge lolo ngaumu monno lolo ngauda du'mu.'' ²⁶ bage,da kako ata kabisu dan pakitage kako'da,oro mikha na itayi da louka pakullisa wali ngia.oro neege,na wigirana banna bali ummana. ²⁷ kamurrinage ata dan da ngiddiyi barang parawina mikha monno ratona.da dukki nee lais,a rakyat na muarika aman monno tentram.da pakala waidi mata kiato monno kota da tunnu waige api. ²⁸ daima a patulu,oro ne kota na marrowe wali sidon,monno dadda ole dommo manna lakka garrako.ne kota nee ge kabu bet-rehob.ata dan da padede baliwe ne kota monno da madaka nee bali. ²⁹ ne kota da pangarage dan,a linnana ngara ubbu waikada,dan,a dadi tubana israel.lokko balinnawe,lais,ngiawe ngara kota a ullu. ³⁰ ata kabisu dan da rawina patung pabuala.bage,yonatan,anana gersom,anana musa,ngiana a dadi rato ole da anana tuba kabisu dan,dukki rasi ba keketayi nee negri pembuangan. ³¹ bage,da tauyi patung pa buala parawina mikha,ne rasi malou dukki ne ummana Marobba Allah ba neege silo.