¹ Yefta,ata gilead,ngiana pahlawan a manadana.lakawa haramuya wali mawinne da manoto.amana yefta ata gileadtuya. ² ole ummana gilead na paanani lakawa kabani tubana.ba banna matto,ana'da ole ummana da wudaya yefta,lidda,''dou kolemanna warisan wali lai du'ma,oronage you ana wali lai mawinne waddekawu.'' ³ na kiadu yefta wali aroda anguwuana,monno na madaka nee tana tob.da pakassana lai yefta ata kiadu-ata kiadu a kako rampoka marengngani. ⁴ kamurrinage,dukki pirra loddo,da patauna ata amon gobbadi ata israel. ⁵ bage,dukki yidda ata amon badda patauna gobbadi ata israel,rato da kako lippa dekeya yefta wali tana tob. ⁶ liddani yefta,''maige,dadi panglima'ma monno tauyi ata amon.'' ⁷ Yefta linnadi yidda rato gilead,''ba dei beikadoga monno bali wudakadomiga wali ummana amagu? neeya appa makka mi mai barragu dukki bei sadukka?'' ⁸ yidda rato da waleya yefta,''linna takkawe,tapi neeya ma bali barramu.maige,gobbadi monno tauyi ata amon.dadiwu pemimpinuna ngaradukkana ata gilead.'' ⁹ yefta linnadi yidda rato gilead,''bei ngiddi balikowa patauna gobbadi ata amon,monno Muori na yagadi limma danagu,makka ku dadiwa pemimpinumi?'' ¹⁰ yidda rato gilead da waleya yefta,''Muori na dadi saksi'da itta,ba damma rawikoge a linnana patekkimu.'' ¹¹ bage,yefta na kako marengngadi yidda rato gilead.yidda bangsa da keketaya banna dadi pemimpin monno panglima'da.monno,yefta na ngiddi kuawe palakarana ne aro-Na Muori,nee mizpa. panauna yefta lai tokko amon ¹² kamurrinage,yefta na pangiddina ata aroni tokko amon,a panewe,''appa nage urusanmu,ba makka mu mai patauna gobba'ge negrigu?'' ¹³ tokko amon na waleya na papa wede'na yefta,''karurunage ata israel bali deke dagamadi tanama dukki badda mai wali mesir,wali loko amon dukki loko yabok,monno dukki loko yordan.neeya,pabali kuagamadi ka waina lara muoli.'' ¹⁴ sadekka kia,yefta na pangiddina ata lai tokko amon, ¹⁵ duguda panau,''ne linnawe patekkina yefta:ata israel dadda dekemadadi tana'da ata moab atau tana'da ata amon. ¹⁶ oronage,dukki ba lousona wali mesir,ata israel da sillira maredda dana,dukki ne barra bonnu tiberau monno dukki nee kadesh. ¹⁷ ata israel da pawede ata lai tokko edom,monno tekkiwe:pakaigama kamma li negrimu.lokko ba linnawe,tokko edom danna nauma papatoo.da pangiddi dommona ata lai tokko ata moab,tapi danna deibamawe.oro balinnawe,ata israel da madaka nee kadesh. ¹⁸ da kako maredda dana,woletage tana edommonno tana moab.da kako tuba timur tana moab,da rawina kariaka ne bali loko arnon tanpa ba dadda tamage wilayah moab.oronage,loko arnon dikkinage moab. ¹⁹ kamurrinage,ata israel pangiddina ata lai sihon,tokko ata amori,a paresawe nee hesybon.ata israel liddani:pakaigama kamma li negrimugaimu kamma dukki padou. ²⁰ bage,sihon danna waimadi ata israel,badda liwe daerahna.kamurrinage,sihon na pakassa kuadi rakyatna badda rawina kariaka nee yahas,bage,tauyi ata israel. ²¹ lokko balinnawe,Muori,Marobba Allah israel,Na yaya sihon monno ngaradukkada rakyatna ne limma danada ata israel.da pakalayi,monno ata israel da madiige ngaradukkanage tana amori,penduduk ne negri. ²² monno,da douge ngaradukkanage wilayahda ata amori,walo loko arnon dukki loko yabok,monno wali maredda binara dukki loo yordan. ²³ bage,Muori donna,Marobba Alla israel,a riamadi ata amori tubada ata israel,uamatu-Na.peina mu beige bou douge? ²⁴ da waikadoge doumu payanagu kamos,allahmu? linna dommwe,waidi douma ngaradukkada pa'yana Muori,Marobba Allahma,barrama. ²⁵ ba dommo,mu louka padessa wali balak anana zipor,nai tokko moab?peina na berjuang banna dengngiyi hak na lai ata israel,atau na patauna banna gobbadi? ²⁶ dukki yidda ata israel badda madaka nee hesybon monno kota-kota pa jajana,nee aroermonno kota-kota pa jajana,monno ne nagaradukkanage kota ne ngaradukkanage uppu loko arnon selama touda ngasu dou, appa makka dou dekewawe ettipona? ²⁷ dakku jalama barramu,tapi mu buakala bou mai patau dengngaga.Muori ngina hakim nii loddo ne lai ata israel monno ata amon.'' ²⁸ lokko balinnawe,tokko amon danna patoomawe ne patekki papa dukkidani ata papawede'na yefta. janjina yefta ²⁹ kamurrinage,diawana Muori na tamani yefta,ba makkana kako ne daerah gilead monno daerah manasye,bage na liwe mizpa monno gilead monno wali mizpa daerah gilead na kako pakita arona daerah'da ata amon. ³⁰ bage,yefta na tekki nazar lai Muori,linna,''bou ya takkakoyi ata amon ne limma danagu, ³¹ makka appa nage a ouda wali binna ummagu banna tabbokawa dukki bakku bali ku muarikawa wali lai ata amon,na dadi doumu Muori,monno yaya banna dadi korban patunnu.'' ³² kamurrinage,yefta na kako patauna gobbadi ata amon,monno limma danana Muori na yanadi. ³³ na pakalayi wali aroer dukki nee kinit.duada kabullu kota dukki nee uama anggura abel-keramin.kala a kaladana,na pakalayi ata amon ne aroda ata israel. ³⁴ Yefta na bali nee mizpa,ummana,monno na iataya ana mawinnena banna lousona tabboka waini rebana monno nego.ngiana anana a kamiasa,dai kiama ana kabanina monno mawinne. ³⁵ dukki banna iataya anana,na irrawe kalabbena monno linna,''meitanage anagu,mu rawigage ategu banna mouso monno karoddukawe.mu pa meitawa,oronage bali wukke guge ngadagu bakku bernazar lai Muori monno dakku iarumanna.'' ³⁶ na anana linnani amana,''ama,bali wukkemuge ngadama lai Muori,rawige a linnana patekki ngadamu.oronage,Muori bali rawinage pabalasa lai gobbamu,yiddi ata amon.'' ³⁷ linna kiani amana,''mu rawige a linnana:yaga kaluaga duada wula madoinage kakku kako sillira ne togo letena,monno ngioge gadisagu marengnadi olegu.'' ³⁸ Yefta na waleya.kako.''''na gaini banna kako duada wulla madoinage,monno,na kako na mawinne marengngadi olena banna ngiage gadisuna ne togo letena. ³⁹ bage,ba duada wulla,na bali lai amana.na rawige amana nazar pa bali panazarana.danna perna banna paddena kabani.kamurrinage,na dadiwe adatada ata israel, ⁴⁰ dukki iyya dou,ana mawinneda ata israel da kako ngioni ana mawinnena yefta,nai ata gilead,selama pata loddo ne iyya dou.