¹ na pawedeyi ata efraim badda kako nee utara,bage liddani yefta,''appa makka mu pala bou tauyi ata amon monno dou pa oumagama bamma kako diakugu?oronage nee,ma tunnu guge ummamu waige api.'' ² yefta na waleyi,''yauwa monno rakyat gu waigama ne patau danana sengita duguda ata amon,ku kawulagimmi,tapi dei maima patulugamma wali limma dana'da. ³ oro bakku ata ba dai a mai tulugamma,makka ku tau lolo ngau ne limma danagu bakku kako gobbadi ata amon,monno Muori na yagadi ne limma danagu.appa makkami mai nii loddo bei seranguwa?'' ⁴ kamurrinage,yefta na pakassa kuadi ata gilead ba patauna gobbadi kabisu efraim.monno,ata-ata gilead da pakalayi kabisu efraim.oronage da panewe''you,ata gilead,ngiawu pelarian wali kabisu efraim,a waina ne tillu kabisu efraim monno kabisu manasye.'' ⁵ ata gilead da dekeyi padou-padou pala ne loko yordan wali kabisu efraim.ba waiko kabisu efraim a kiadu monno linna,''gaiga kakku palani.'',makka da tuaya yidda ata gilead,''ata efraimmuwu you?''ba banna waleko,''iddama,'' ⁶ da panee,''nungnga patekkiwe,'syibolet.'ba banna paneweko,' sibolet ba danna tekki bennarakowe,ba makka da ropoya ne barra padou pala loko yordan.oronage nee,dukki nee na mate,da mate pata kabullu duada rata ata efraim. ⁷ selama enne dou yefta na paresa banna dadi hakimuda ata israel.kamurrinage,yefta,na ata gilead,na mate makka taneni ne iyya kota nee gilead. hakim ebzan ⁸ ba neege,na paresa ebzan wali betlehem banna dadi hakimuda ata israel. ⁹ mangu ana kabanina touda kabullu ata.touda kabullu ana mawinnena da palai ata waddeka da kaummanna,monno touda kabullu lakawa mawinne na dekeyi wali da kaummanna tubada ana kabanina.na paresa pabban dadi hakimuda ata israel pittu dou madoinage. ¹⁰ bage, na mate ebzan monno taneni nee betlehem. hakim elon ¹¹ ba neege,na paresa elon banna dadi hakimuda ata israel.kabullu dou madoinagw banna terrege israel. ¹² kamurrinage ,na mate na elon ata zebulon,bage taneni nee ayalon nee tana zebulon. hakim abdon ¹³ ba neege,na paresa banna dadi hakimuda ata israel ,abdon,anana hilel,ata piraton. ¹⁴ mangu ana kabanina pata kabullu ata monno touda kabullu ubbuna kabani a dadi a pakalete togo pittu kabullu keledai mane.na paresa banna dadi hakimuda ata israel paddo pata dou madoina. ¹⁵ kamurrinage na mate abdon,anana hilel,na ata piraton.taneni nee piraton,tana kabisu efraim,ne letena amalek.