¹ ba banna mate abimelekh,ammini tola anana pua,anana dodo,wali paburruna iskandar banna pamuarikayi ata israel.na madaka nee samir,letena efraim. ² na paresa banna dadi hakimuda israel selama duada kabullu touda dou.kamurrinage,na mate monno taneni nee samir. hakim yair ³ ba neege,ammini yair a walina gilead a paresa a dadi hakim'da ata israel selama duada kabullu duada dou. ⁴ ana kabanina touda kabulluda a dadi a kalete touda kabullu keledai mane.mangu touda kabullu kotada ne patekki hawot-yair dukki nii loddo ne tana gilead. ⁵ bage, yair na mate makka taneni nee kamon. ata amon patauna gobbadi israel ⁶ sadekka kia,ata israel da rawige a buakala ne aro matana Muori.da deikaya baal monno asytoret,lai allah da ata aram,lai allah'da ata sidon,lai allada ata moab,lai allah'da ata amon,monno lai allah'da ata filistin.da duddakani Muori monno dadda deikama-Ya. ⁷ bage,bani-Na Muori na keddewe lai ata israel,monno na yayi ne limma dana'da ata filistin monno limma dana'da ata amon. ⁸ ata israel da tindasayi.kabullu paddo pata dou madoi nage ngaradukkada ata israel a waina bali loko yordan,nee tana ata amori a neena gilead. ⁹ ata amon dommo da palage loko yordan badda patauna gobbadi kabisu yehuda,kabisu benyamin monno paburruna efraim, ba makka da terdesakuyi ata israel. ¹⁰ ata israel da kawulani Muori,lidda,''yamme bali rawima jala aromu,oronage ba bali duddakamamani Marobba Allah monno diakudi baal.'' ¹¹ Muori na waleyi ata israel,''ba bali pamuarikakadogugumi wali lai ata mesir,wali lai ata amori,ata amon,wali lai ata filistin, ¹² ata sidonata amalek,kabisu moan,dukki bei pa ou-Ga gaimu kakku tulugimmi wali limma dana'da. ¹³ lokko balinnawe,mi gaiga monno mi diakuni alla waddeka.oronage nee,dakku tulu kiamagimmige. ¹⁴ kako monno kawulani allah pa pidimi.yidda ngia a tulugimmi ne bei sadukka.'' ¹⁵ ata israel liddani Muori,''ysmme bali rawima jala.rawina lai yamme ngaradukka kuana a dessa ne aro mata-Mu.ba balinnawe,pasellama neeya.'' ¹⁶ da pamarrodi alla waddeka wali barra'da,bage da deikaya Muori.bage danna tarrumage atena Muori banna iatadage sadukkada. yefta pidiya banna dadi pemimpin ¹⁷ na pawedeyi ata amon badda rawina kariaka nee gilead,ata israel needi a rawina kariaka nee mizpa. ¹⁸ da panewe pemimpin bangsa gileadiyya monno iyya,''garrani ata a malaiwe ne pataunaarodi ata amon?ngiana a dadi kapala'na ngaradukkana ata gilead.''