¹ Daud na panewe ate danana,''lakka linnakowe dukki rasinage iangadouge bakku mate togo limmana saul.daima a louka padessa tubagu selain bakku kiadu pa lolosage touge nee tana'da ata filistin,makka,daima kiama pamenne na saul banna ngaddo kiawa ne ngaradukkana tana israel,monno ku lolosa wali togo limmana.'' ² na sadia Daud,monno na pala,ngia monno enne ngasu ata a diakuni,lai akhis ana'na moakh,tokko gat. ³ daud na madaka barra akhis nee gat,ngia monno atana,iyya monno iyya duguda du'da.daud monno duada ole ummana,nai ahinoam,mawinne yizrel,monno abigail,ole ummana nabal,mawinne karmel. ⁴ da tekkinage saul daud ba attini a kiadu nee gat,monno danna pakita kiamage banna ngaddoya. ⁵ Daud na panewe lai akhis,''bou manawwaradoga ne bou iatawa,yaga padou ne iyya kota ne tanamu,gaimu kakku madaka nee bali.appa na atamu makka na madaka barramu ne ne pedou?'' ⁶ monno,nee loddo akhis na yanage ziklag barrana.ngiawe ne ziklag makkana dadiwe douda tokko yehuda dukki neeya. ⁷ madoi nage banna madaka daud ne tana'da ata filistin iyya dou pata wulla. daud na pakawossokya tokko akhis ⁸ N a kako Daud monno olena badda rawige rampoka lai ata gesur,ata girzi,monno ata amalek.oronage,yidda ata da madaka nee tana,wali telam dukki tana syur,ba makka nee tana mesir. ⁹ daud na pakalawe ne negri monno daima a muarika,lakka kabani monno mawinne.na dekeyi kamiaka bebe,sapi,keledai,unta, monno kalabbe'da.bage,na bali wali lai akhis. ¹⁰ dukkige akhis na tuaya,''gia douge pa rampokami nii loddo?''daud na waleya,''nee tana negeb,yehuda,''atau''nee tana negeb ata yerahmeel,''atau,''nee tana negeb ata keni.'' ¹¹ Kabani monno mawinne,daud danna gaimadi badda muarika,tuba ba ngiddiyi nee gat,oro papa ngeddana,''gaimu illa da tekkiwe we ne tubama duguda panewe,''ne linnawe parawina daud.''''linna pakitawe parawina selama banna madaka nee tana'da ata filistin. ¹² akhis na waini daud,papa ngeddana,''rawi wekkinage badda benci ya ole tanan'na,ata israel.gaimu kanna dadi pakita atagu dukki kadukkanage.''