¹ Ammidi ata zif lai saul nee gibea monno lidda,''daud ba neekadoni a kabunni nee letena hakhila,nee tuba timur maredda binara?'' ² bage,na sadia saul monno kako maredda binara zif monno touda rata ata pa pidina wali israel,tuba ba ngaddoya daud nee maredda binata zif. ³ saul na rawina kariaka ne letena hakhila,nee barra maredda binara,uppu lara.ba nee poge,daud na madaka maredda binara.dukki banna paddeni saul ba ammini a diakuni nee maredda binara, ⁴ daud na pawede kapadani monno na paddeni sul ammi takkani barrana. ⁵ na kedde daud,bage na kako nee bali padou rawina kariaka saul.daud na patiatige pa dou beikana saul duguda abner ana'na ner,dukki nee panglima tentarana.saul na beika ne tillu kariaka,rakyatna da rawina kariaka ne barrana. ⁶ daud na panewe linnani ahimelekh,na ata het,monno lai abisai,ana na zeruya,du na yoab,linna,''garra a marengngaga kako lai saul,nee padou kariakana?''na wale abisai,''ku kako diakugu.'' ⁷ ne gedde ammidi daud duguda abisai barrada rakyatna.da iataya saul banna beika ne tillu kariaka,duguda nobbo p tasukanna togo tana,ne tuba katuawana,sementara abner duguda rakyat na beika woletani. ⁸ na panewe abisai lai daud ,nii loddo na gobbamu bali yanagunni limma danamu Marobba Allah.oronage nee,pakaiga kakku tasukage ne nobbu togo tana,sadekka kadona bakku tasukage da duada wuddama.'' ⁹ daud na waleya abisai,''illa pamatekaya,oronage garrako a soroni limmana lai ata pa urapina Muori,monno pasellaya wali uku?'' ¹⁰ linna daud,karurunage,demi Muori a muarika,Muori ianga pamatenani,dukki rasina monno na mate,atau na kako patauna ba pamateya. ¹¹ Muori na pamarro gage soroni limma lai ata pa urapina Muori.neeya dekewe nobba a neena tuba katuawana monno na padou wee,monno mai ka kako.'' ¹² kamurrinage daud na dekewe nobbu monno kendi wee wali barra katuawana saul,bage da kako.daima a iataya monno daima a paddedi.daima a kedde,oronage dura kuadage oronage Muori na pamate durayi. daud na pamakke baliya saul ¹³ ba daud banna dukki nee bali,na dede marro ne ponnu letena,makka waige watte kalada ne barrada. ¹⁴ daud na kawuladi ata monno barrana abner anana ner,linna,''makka dei walewe,abner?abner na wale,linna,''garragu you,a kawulani tokko?'' ¹⁵ Daud linnani abner,''kabanikadowu?garra a linnana toumu ne barra ata israel? appa makka dou dawa waya muarimu tokko? oronage,waini ata a mai wali rakyat tuba ba padukkaya tokko,na muarimu. ¹⁶ danna dessa mawe ne parawimu.demi Muori a muarika,na ata na mate oronage ba dou ma dawa aro muarimu,aro ata pa urapi na Muori.neeya,iatawe,giage nobbuna tokko monno kenddi wee pa ianu a neena barrana tuba katuawana?'' ¹⁷ saul na paddege lii na daud,bage linna,''liimuge anagu daud?''daud na wale,lii guge,muarigu tokko.'' ¹⁸ linna kia,''appa muari makka mu pa ruati wali lirana na atamu?karurunage,appa nage parawigu?buakala limma gu? ¹⁹ oronage nee,rengngewe ne patekkina atamu,muarigu tokkoba Muoriko a woddawu,gaimu kanna unnuka bou persembahan.oronage ana ata, da terkutuk ne arona Muori,oronage ettipona da wuggawa ba makka dakku kolena tubagu wali douna Muori,duguda panewe,'kako,diakuni alla waddeka.' ²⁰ oronage nee,illana maliagakawe raa gu togo tana,marro wali aro Muori.oronage,tokko israel na lousona banna kaigage ngaugu,a linnana badda ruati manu tayeye ne letena.'' ²¹ na panewe saul,''bali jalagu.balige,anagu daud,oronage dakku sillu buakala waimagu,oronage nii loddo ne togo matamu lolo ngaugu mu pawelligage.karurunage,parigu na duawe monno bali sibita pongngugu.'' ²² daud na wale,linna,''ne nobbumu,muarigu!gaimu iyya ata wali atamu kanna pala lippa dekewe. ²³ Muori na balasage iyya monno iyya ata a sesuai a benna ra monno padiakuna,oronage Muori na yawu limma danagu nii loddo,tapi dakku nauma soroni limmagu lai ata pa urapina Muori. ²⁴ kei paddege,a linnana banna pawelliwe toumu nii loddo ne togo matagu,linna dommewe banna pawelliwe tougu ne aro matana Muori,monno na pasellawa wali ngaradukkana mayilla.'' ²⁵ saul na panewe lai daud,''berkatiwu you,anagu daud.lakka appa kona parawimu ,na makolwewe.''daud na kako pakita,saul na bali padouna.