¹ Samuel na mate,monno da pakassa kuana ata israel badda ngioni monno taneni ne ummana rama,na sadi daud,bage na kako maredda dana paran. ² waini iyya kabani nee maon a mangu uhasa nee karmel.na ata na poote pongngu.kamiaka bebe na touda rata'da,monno kamiakana rata'da.na madaka banna guttiyi wullu bebena ne karmel. ³ ngarana na ata nabal,monno ole ummana ngarana abigail.na elu ummana na dessa atena monno manadana,tapi na kabani na buakala monno kasaruwe pariwina.ata a degiluya. ⁴ dukki ne maredda dana daud banna rengngwe nabal neeni a gutti wullu bebena, ⁵ daud na pawedeyi kabullu bua ata.daud linnadi yidda bua ata,''kako nee karmel monno aroni nabal.padukki nage salam waige ngaragu. ⁶ tekkinage limmini,''selamat ,muari!muarikayi du'mu,muarikawe ngaradukkage muari ka pa doumi. ⁷ bissi rengng guge bou gutti loge bebe.selama neya a dawa guddi rangamu a madaka barrama,damma ullamadi monno daima a dada selama badda madaka nii karmel. ⁸ tuayi ata mu,gaimu kadda tekkiwe.gaimu ne yamme kamma kolena manawwaramu.ba loddo kalada kadoya nii loddo bamma mai?yaga ma a waina barramu,monno lai anamu,daud.'' ⁹ da dukki yidda atana daud,monno da panewe lai nabal tekkiyi patekkina daud waige ngarana daud,bage da riamana. ¹⁰ nabal na waleyi atana daud,linna,''garra ni daud?garrani anana isai?iyya loddo iyya loddo mangiadayi ata a kiadu wali barra muarida. ¹¹ ku yaponage roti gu,we pa ianugu,monno ranga bantain pa ropo tubada atagu a magutti,tuba bakku yadadi ata dappa paddegu ba gia dou wali ngiada?'' ¹² da kabali atana daud nbadda bali.ba badda dukki,da tekki kuawe pa tekki nenana. ¹³ linna daud lai atana,''dekeyi tekomu!''makka,iyya monno iyya da dekeyi teekoda monno daud dou na dekewe tekona.da kako pata ngasu atadaud neni lira,duada ngasu ata iangadi badda dawayi pangiddi'da. abigail na iarige bencana ¹⁴ Abigail,ole ummana nabal,na tekkinage iyya atana.linna na atana,''karurunage,daud na pawede ata wali maredda dana ba yani salam muari,tapi na bayi banna tualadi. ¹⁵ padahal,etti ata da madawwara.dadda pa ullama,monno daima a dada gamma selama bamma kako laa kako mai ne barra'da,ba waigamma maredda dana. ¹⁶ yidda a linana gollu watu a woletagama gedde dukki loddo,selama ba ne gama barra'da bamma dawa bebe. ¹⁷ neeya,kou padde ge monno pangeddage appana paraiwmu,oronage bali piatadage ba ammi ge malapetaka a mai lai muari monno ngaradukkada i ummana.ngia ata dursilaya monno daima iyya ata a panewe dengngani.'' ¹⁸ abigail na ngettana dekeyi duada ngasu roti,duada padalu anggur,limma bebe bali papa tii,limma sukat bertih gandum,ngasu kababa kismis,monno duada ngasu kababa ara.na aila kuadi togo keledai. ¹⁹ na panewe lai atana,''kako arogu,makka ku kako liramu.''laina,nabal,danna tekki mannage. ²⁰ dukki banna penne togo keledaina,na burru kabunni ne togo letena,na iataya daud monno atana,badda kako barrana,bage makka da patabbokanna. ²¹ Daud na panewe,''karurunage daima larage bakku dawayi dou ata ne maredda didara,ba makka daima a dada lakka iyya ko douna.na balasa waigage buakala siapa dessagu. ²² linnawe parawina Marobba Allah gobbana daud,louka kiapo,bakku gai kodi badda muarika ngaradukkada a waina,iyya kabani dommo,dukki kuaka kabu gedde.'' ²³ dukki abigail banna iataya daud,na giasa burru wali togo keledai na ,bage na runnu ne arona daud matana a kawodo togo tana. ²⁴ na runnu togo waina monno linna,''yauwa,muarigu,a taguge jalana.pasellaya na atamu kanna panewe barramu,monno rengngenage patekkina na atamu. ²⁵ muarigu illa mu pangedda kadi patekkina nabal,nai ata dursila.oronage,a linnana ngarana,linna donna.nabal ngarana monno kobbala palolo dengngani.tapi,yauwa,ne atamu,dakku iatamayi ata papa ngiddimu muari. ²⁶ oronage nee,muarigu ,demi Muori a muarika monno demi muarika wali tou doumu,bali pa iari Muori tuba ba pa mai we maliaga raa ba bertindak ngaddowe a adila waidi limma doum.neeya,gaidi gobbamu monno yidda a beige pacelakaya muarigu,da miarana a linnana nabal. ²⁷ neeya,ne paya,pangiddi na atamu tuba muarigu,gaimu kayadadi ata a diakuni larana muarigu. ²⁸ amupini nadi jalan na atamu,oronage Muori ianga pakeddena tuba mu muari pa burru a madduna.oronage,muarigu mu rawige patau Muori,buakala daimage selama bou muarika. ²⁹ Banna keddeko ata a ruatiwu monno banna beiguge lolo ngaumu,makka ne lolo ngaumu muari kaboro waige muarika a neena lai Muori,Marobba Allahmu.akan tetapi,lolo ngauda gobamu na umbanyi wali salang umban dana. ³⁰ Banna dadikowe parawina Muori lai muarigu,a linnana ngaradukka dessa bali patekkki-Na barramu,monno pidiwu bou dadi tokko ata israel, ³¹ makka Muori danna kii mage atemu bou pangeddage ne a linnana,oronage muariku bali pa lai raa monno oronage muarigu bou kako dou monno ngaddowe a adila.Muori banna rawige a dessa lai muarigu,lolo kiya na atamu.'' ³² daud linnani abigail,''terpuji Muori,Marobba Allah israel,a pawedemu nii loddo bou tabbokawa. ³³ terpujiwe papangeddamu monno terpujiwu you,oronage bali iarimuga nii loddo ba pamaiwe liaga raa,tuba ba rawige ba ngaddo a adila waidi limma dougu. ³⁴ tapi,demi Muori,Marobba Allah israel a muarika,a iariga bakku rawige buakala barramu,ba dou giasa maiko barragu,karurunage da iangamanna banna muarika nai nabal dukki kuaka banna ouda mata loddo,lakka iyya konni kabani padou tembokya.'' ³⁵ bage,daud na deiba waidi limmana appa nadi pangiddi dani monno linna,''bali wee maringngi nee ummamu.kou paddege,ku rengngeguge patekkimu monno deibawe pa dengngimu.'' matena Nabal ³⁶ Ammini abigail barrana nabal,na iataya banna urrata nee ummana,duguda urrata a linnana tokko-tokko.Nabal neeni a a gembira oro mabuka parana.danna tekki wua suadimawe,a dadi a kiina monno a dadi a akaladana barrana,dukki kuaka banna ouda mata loddo. ³⁷ makka,kuakage,banna dadawe mabukanna,nabal na tekki kuanage ole ummana tubanage ne palakara.bage,na kadenna pu togo kuruna,na dadi watu. ³⁸ makka,kabullu loddo ba nee,Muori na paluya Nabal,ba makkana mate. ³⁹ dukki Daud banna rengngewe ba bali matena nabal,na panewe,''terpuji Muori,a tulugage palakaragu wali pakamelona nabal a iarini ata-Na wali a buakala.buakalana nabal bali pabalinage Muori togo katuawa douna.''bage,Daud na pawede ata ba panewe dengngani abigali,tuba banna dekeya banna dadi ole ummana. ⁴⁰ ammidi atana daud nee karmel,monno liddani,''daud a pawedema barramu,tuba banna dekewu bou dadi ole ummana.'' ⁴¹ bage,ne kedde na runnu matana togo tana,linna,''karurunage na atamu na beige banna dadi ata a basa dadi waida atana muarigu.'' ⁴² Abigail na giasa sadia,bage na kaleteya keledaina,duguda limma pelayan mawinne a kako diakuni.na kako diakudi ata papawedena daud,monno na dadi ole ummana. ⁴³ Ahinoam a walina yizreel na deke dommoya daud.makka yidda duada da dadi ole ummana. ⁴⁴ tapi,saul na yanani mikhal,ana mawinnena,ole ummana daud,lai palti anana lais,a walina galim.