¹ Dukki neege,ata filistin pakassadi pasukan badda gobba'di ata israel.akhis linnani daud,''kou padde takkage,you mu kako diakuga ba kako patauna,you monno atamu.'' ² daud na waleya akhis,''dessawe,gaimu kou paddege appa na parawina na atamu.''akhis linnani daud,''oro balinnawe,ku keketawu kou dadi kapalagu ne rasi malou.'' saul monno mawinne nee en-dor ³ Samuel na mate,da milla ngaradukka'da ata israel,monno da taneni nee rama,nee kotana,kamurrinage saul na pamarrodi a paouna diawa monno a pa ouna roh peramal nee tana'na. ⁴ bage,da pakassana ata filistin tuba badda kako rawina kariaka nee sunem,bage,da pakassana ngaradukka'da ata israel nee gilboa. ⁵ dukki saul banna iatayi pasukan ata filistin,na madautawe atena monno na gentar. ⁶ saul na tuaya Muori tapi Muori danna walemaya,lakka li kanaga nippi ,lakka li urim,bahkan li rato-rato'na. ⁷ saul linnadi pegawe-pegawena,''ngaddo mawinne a bisa pa ouna diawa.ku kako barrana monno dengngi tadana.''pegawena da waleya,''karurunage waini mawinne a padde papa ouna diawa nee en-dor.'' ⁸ bage,na pa balina saul banna tau kalabbe ata waddeka,monno na kako marengngadi duada ata.na geddena badda dukki barrana na mawinne,saul na panewe,''menenung tubaguli diawa,gaimu kadda ouda ata patekkigu ne barramu.'' ⁹ na mawinne na waleya,''ianga paddemuge appana pa rawina saul,a bali pamateyi a pa ouna diawa monno a paouna roh peramal wali ne negri.appa makka mu tauwa ga sirru tuba tougu monno pamatewa?'' ¹⁰ saul na aura waige ngarana Muori,linna,''demi Muori a muarika,dappa pa deitoaguge jala barramu oronage ne palakara.'' ¹¹ na mawinne na matua,''garra ni papa ougu gaimu kanna ouda barramu?''na wale,''pa oudani samuel.'' ¹² dukki na mawinne banna iataya samuel,na dangu.na mawinne linnani saul,''appa makkamu pakawosso kawawa?you saul!'' ¹³ na panewe tokko,''illa madautakanna.karurunage,appa na pa iatamu?''na mawinne na waleya saul,''ku iataya a ilahi a ouda wali tana dana.'' ¹⁴ saul na tuaya,''peiwaina nage sadana?''na mawinne na wale,''ata kawiada a ouda.na wollokanna jubah.''saul na paddeni ba samuelya.bage,na moko matana togo tana banna sembah ya. ¹⁵ na panewe samuel lai saul,''appa makka mu ullawaga bou pa ouga?''saul na wale,''ku terjepi pongnguwa.ata filistin ammidi a patauna gobbaga monno marobba Allah bali marrona wali barragu.danna sillu wale kiamawa,lakka li lai rato monno lii kanaga nippi.ku pa ougu gaimu kakku paddege appa kona parawigu.'' ¹⁶ na panewe samuel,''appa makkamu mu tuawawa Muori ba bali marrokaddona wali barramu monno na dadi gobbamu? ¹⁷ Muori bali rawinage a linnana patekki-Nali barragu.Muori bali kuayanage padou wali togo limmamu monno yawe lai ata waddeka,nee lai daud. ¹⁸ oronage,dou pa toomawe patekkina Muori monno dou rawimage murka-Na a wiagara nee togo amalek.ngiawe oronage,neya makkana rawige Muori barramu nii loddo. ¹⁹ bahkan,you monno ata israel da yami Muori ne limma dana'da ata filistin.monno,kuaka you monno anamu mi olega.dommo,pasukan ata israel nayayi Muori ne limma dana'da ata filistin.'' ²⁰ nee rasi dommo,saul na bukkana duguda wekkina malouwe togo tana oro banna madauta oro ne patekkina samuel.ba dommo,kullisana dai kiamage,oronage daima pa ngaa waina loddo mangiada monno wali gedde. ²¹ na mawinne ammini barrana saul,monnon monno na iataya na saul banna kageta.bage,na mawinne linnani saul,''iata,na atamu bali bali rengngenage pa dengngimu.ku yawe lolongaugu ne limma danamu monno rengngewe patekki patekkimu barragu. ²² oronage nee,gaimu kou rengnge dommowe pa dengngina na atamu.gaimu kakku yagu kadippuka roti monno kou ngaa,gaimu kou kullisa bou kako.'' ²³ bage,saul na tullarage monno linna,''dakku nauma pangaa.''tapi,pagawe na duguda na mawinne pakkisaya,ba makka na rengnge we patekki'da.bage,na kedde wali tana diata monno madii ne togo baga. ²⁴ na mawinne waina ana lembu a morru ne ummana.na giasa ropoya,bage na deke tarigu na urrakage monno tunnuwe makka na dadiwe roti a dai ragina. ²⁵ na tauyi ne arona saul monno pagawena ,bage makka da ngaa.ba neege,da kedde monnno kako nee gedde.