¹ Siahu mapakua kabenaran suang Tialow, siahu hii matowo. Enu natêhu, mi’it sumairi suang monggonguot, awahem ahu ni’it masusah bo i mahados natê. ² Lêbê ahu ni’it matapêmio bo salalu mahados natê. ³ Lêbê-lêbê ahu mabog tinena i putung bo bêhatarêd, bêsi Tialow, tanu mangawogku, mangatowhu, kawa batangan. ⁴ Apaan silatahula mekêlê wo tow Israel, silatahula i mbêatang. Mahanjo kêdong, bo silatahula i’ tumirima, kalooran, bo i darandi-darandi bo ukum Taurat, bo mahibadah, bo dandi-dandi [darandian]. ⁵ Silatahula mekêlê wo morosuru manga’namang posiri’im, [nawo] e’ mawalolos Mesias suang ka ada’anNa kêlê totumu, e mbana ambao pahasa i’ mbana. Sia kêlê Ningumeled musti parayowen ahad kaeto-eto. Ulit! ⁶ Ta sumata kukua Ningumeled ahii onah mahuow. Awahem hi’i pahasa to e bisana de mahi a Israel, mekêlê wo to Israel, ⁷ bo kahi hi’i pahasa e tinêbê morosuru Abraham mekêlê wo bata Abraham, sumata e’imoai bêsi Ishak e’tanu suru-suru [morosurunu]. ⁸ Arti na hi’i manga hedong i mi’it keteb mekêlê manga hêdong Ningumeled, sumata manga hêdong parandian e nihua morosuru e’ nihumiit. ⁹ Awahem kukua yai mengandung dandi [darandi] : “Anoras kêlêiyai Ahu [Siahu] a’mahi bo Sara, a’ mahaêrê esa kêdong tuama. ¹⁰ Sumata ahi’i batiewaaho lêbêkêaswê wa’i Ribka e mahali-ali a esa tow, a’waaho bêsi Ishak, namang nawo hita. ¹¹ Apa’an noras manga kêdong aho awê itumow bo awê itumawoi emauleng suma eta’pia, saboho ta’ar Ningumeled tanu e sinisirNa bo imbahut bo, bisanê atatwoi, sumata bêsanê a’titiangNa. ¹² Bêhua bêsi Ribka : “Kedong e matu’a maindo mamoali sosiu kêdong etalvya. ¹³ Kêlê bêtulis : “Siahu emahales bêsi Yakub, sumata marê’ê si Esau. ¹⁴ Sa’ kêlê wa’aho bewatih a sia e pandung i hua hita? Asia Ningumêlêd ahii mogiwing [mobiles] ahi’i! ¹⁵ apa’an Sia berfirman bêsi Musa : Siahu a’sakum imepa boweles bêsisêi angê, Ahu mabog mepag kowelesan, bo Ahu mo imun bêsisei angê Ahu mo imun. ¹⁶ Waaho kawalian ahii bêhatambêng a’ pandung tow suma ikatow, sumata a’ kamuraan natê Ngeledtow. ¹⁷ Apa’an Kaol i kumua bêsi Firaun : Waaho kawalian Ahu mawatow ihow saniboho Ahu iwawaturuku kawasaHu a’suang ihow, bo saniboho ngalaiKu i’haheked a’ mbao toba. ¹⁸ Mamoali Sia i’mepa boweles be sisei angê ê papandungNa bo Sia mawaete natê isêi e papandungeNa. ¹⁹ Yai talêwê kamotahula a’kumua bêahu : Sahêlêwaaho, asiawê e pesalaanNa? apa’an sisei e pasaangen kahabogNa? ²⁰ Sisei kamotahula, hêi totumu yanasa kamotahula mahisowat Ngeledtow? Donakah, etinulid kumua a’ nitumulidna : “Ndêaho kow itumulid i ahu kêlêwai? ²¹ Awasia tapa kurê ahii a’mahaimbahut ambao tana beluna, maindo tumuli a’ talimbaatu e mekêlê wo benda maindo i’ makê matoro nohoan emonunga bo kêlê imakê matoro nohon e biasa? ²² Ndê satahi’i maindo boro’Na bo itumuru kawasaNa, Ngeledtow imepa kasabaran bako a’saangen benda-benda i kawaboroNa e sinadia maindo i tumurasim [i mowuwuh]. ²³ Mahaturu-turu maindo mawasere kaayan kalooraNa ambao benda-benda imbowelesNa, e sinadiana tanu kalooran. ²⁴ A’waaho hita, etiniangNga ahi’i bati a’ nepang to’ Yahudi sumata kahi a nepang mangatow balina; ²⁵ kêlê e mbêhuaNa kahi suang kitab nabi Hosea : “ e tahii tow ku i KuaHu tow ku bo e tahi’i ihales Ku ; ihalesKu. ²⁶ Bo a’tampa bisana a’ihua besilatahula : “Komotahula yai ahi’i tow ku, biboho, a’mbêhua bêsilatahula : Manga kedong e tumou. ²⁷ Bo Yesaya mangombal tanu Israel : “Mandêwê tado’o bata [kedong] Israel kêlê elis a’ saloyon sumata bati sisa’na a kalowidan. ²⁸ Bo asia e’mbehuaNa, a tinulidan Ngeledtow ambaoitoba mauleng [tolimomod] bo tilaho. ²⁹ Bo kêlê e mbêhua Yesaya a talêwê : Sa andêna Ningumeled lohow bao’toba ahi’i mepa io kaoroan kêlê Sodom bo kêlê Gomora. ³⁰ Sa kêlêwaaho asia e pandung i hua kita? Wai, awahem manga tow balina e tahi’i melas kabênaran, i mahaêrêm kabanaran, waaho kabênaran apa’an êman. ³¹ Ta sumata Israel mandêwê imelas ukum e mêangai kabênaran, ahi’i sampê bê ukum oho. ³² Ndê aho hi’i? apa’an Israel imelasna ahii apa’an êman, sumata apa’an itatawoi silatahula bêhasambei a batu sambeina. ³³ Kêlê bê waih : etotu’u, siahu imepa a Sion, esabatu kasaitan bo batu kinawisudan, bo sisei e mahêman [emercaya] ambeSia, ahii bêwawasokia.