1
Kele iaho iyaitalewe ahem moho nukuman be homotahula apaan bana asuang Kristus Yesus.
2
Tutub imamehem penonowan de imawamêrdêkam komotahula asuang Kristus de nukum isêa bo nukum patêan.
3
Asia tahii rona tulidênna nukum Torat apaan ahêm daya dê akêtêd, dona tulidêmnioho dê Ningumêlêd. Karua dalan imasiu imBataNa inesa asuang i kêtêd awêkêlê karua kêtêd a kinahuasaan sea apaan sea sia imawatia am anukuman sea asuang ikêtêd.
4
Saniboho tututan nukum Torat bêlêkêw ma asuang ihita, ahii mênonow lumas a kêtêd, mamikir io a kêtêd; sata lumas a tutuh.
5
De hamotahula a menonow a lumas a kêtêd, mamikir io a kêtêd; komotahula menonow lumas i tutuh, mamikir mio tanuh a tutuh.
6
De kahabogen ikêtêd awahêm patêan, sata kahabogan tutud awahêm mênonow bo dame sonoi.
7
De kahabogan i kêtêd awahêm pêpatêan bo Ningumêlêd, desia hii kumisit a nukum Ningumêlêd, wai dali ahii rona be sia.
8
Komotahula menonow asuang kêtêd ahii rona iwêtênaan Ningumêlêd.
9
Sata komotahula hii menonow a kêtêd sumata asuang i tutuh sa ta tutuh Ningumêlêd mêtêw asuang homotahula. Sumata totumu hii bana tutu’d Kristus sia ahii sawa Kristus.
10
Sumata sa Kristus bana bêhamotahula da batangan dali matê apaan isea, sumata tutuh awahêm penonowan yanasa a katotuan.
11
Bo sa tutud sia, andom imawatow wai Yêsus a tutu’d totumu imatê, mêtêw asuang-asuang homotahula, apaan sia, andona imawatow-wai Kristus Yêsus a tutu’d totumu imatê dê mawatow mêmhahi imbatanganu apona waaho de tutu’Na ka mêtêw asuang komotahula.
12
Yana, manga morowoku kita awahêm totumu mahawenang. Sata tahii a kêtêd, saniboho menonow lumas a kêtêd.
13
De, sa komotahula menonow lumas a kêtêd. Komotahula hahi matê; sata sa tutu’h komotahula imawawatêm patuli-tulidên imbatangannu, komotahula dona menonow.
14
Pahasa totumu asinopiwi tutu’h Ningumêlêd, awahêm bata Ningumêlêd.
15
De homotahula hii i itumirima tutu’h mapauh itumulid kamotahula mamoali matalo hahi, sata komotahula itumirima tutu’h imamoalim komotahula bata Ningumêlêd. Dê tutu’h ioho kita mawasawang yaaba ya amang!”
16
Tutu’h ioho isumairi medo-roro karua Tutu’h i hita, dê hita awahêm manga wata Ningumêlêd.
17
Sa hita kêlê kêdong da hita hahi awahêm ahli waris. Panutuunna manga totumu andona tumirima bewawa-randi. Ningumêlêd andona atirimana mêdo-roro karua Kristus, waaho sa hita tumangkong mêdo-roro ka sisia, saniboho hahi kita bêwe-loorêm medo-roro ka sisia.
18
Sia yahu totuu apaan itumanggong iyai talêwê wai hii i hawêkêlê a kalooran ambê wawaturu bê hita.
19
Dê karua niit katênêman pahasa pinahiohaan masondo mangawata Ningumêlêd bewawaturuum.
20
Nde pahasa atinulid akinuasaan atahêm a kawêrugunaan ahii nyaho kahabogaku nêsa, sata kahabog Na, dona kinahuasaanana,
21
sata suang apaharawan, apaan atinulid nesa hahi dona iwawa merdekaam ambeatam akotutusan bo mawasuang akawêbasan kalooran manga wata Ningumêlêd.
22
Dê hita mahaila, awahêm aha’d iyaiatalêwê pahasa pahiahanun medo-roro panapean bo mêdo-roro mahahêlam mahados mahawata.
23
Bo ahii bati komotahula hahi, sata kita dona tumirima komba muna itutuh, kita hahi matape a natê ihita sakum masondo natenganna kêlê kedong waaho kawebasan imbatangan ihita.
24
De hita bêwawalowiuhan asuang paharawan. Sumata paharawan ambêlilah, ahi’i paharawehahi, de kêlêmbisa totumu doona mapaharaw assia nyahoo ambêlilahna?
25
Sumata sa hita maharaw ata hii bêlilah kita sumondoom karua kumudu.
26
Kêlê aho hahi tutuh itumulung i hita akahawêlan i hita’, de hita hi’i mahaila, kêlêmbisa totuu amasombayang, sumata Tutu’h inêsa masombayang tanu i hita a Ningumêlêd karua panapean a tahii bêhahuam.
27
Bo Ningumêlêd sumilu inate bêrêsi’h, amahaila panutuun Tutu’h ioho, waaho sia, hawekêlê, karua kahabogan Ningumêlêd, masombayang tanu manga totumu lenas.
28
Kita mahaila iyaitalêwê, awahêm Ningumêlêd i tumawoi apahasa ioho tanu mawaruêangai kamaulêngan be homotahula imahales isia waaho homotahula a tiniangem amekêlê pataarem Ningumêlêd.
29
De pahasa totumu sinisirna apolaiyan, homotahula tinantuna apahamunan tanu mamoali iwekêlê tokia imbataNa saiboho sia batanaiyaaho, mamoali a pahamunan atutud katadooan i mangawo.
30
Bo homotahula a tinatunam apahamunan, komotahula hahi tinianga bo homotahula atiniangem. Komotahulaa hahi akatotuuanNa bo homotahula akatotuuana, homotahula hahi apinêlooranna.
31
Da asia anah kumua asakum pahasa ioho? Sa Ningumêlêd a tulung i hita, da sisei lumawah i hita?
32
Sia hii mahales imbataNa nesa, sumata be henamai be hita i pahasa, kelembisa na osa sia ahii kumomba am apahasa ioho be hita amêdo roro karua isia?
33
Sisei andona mahatau manga wata sinisir Ningumêlêd? Ningumêlêd, a katotuuan homotahula? Sisei re ndona mukum ihomotahula?
34
Yesus Kristus, andona mate? Apaan lêbê hahi andona itumow, apaan dumatu’h am beta’h kanoal Ningumêlêd, awahem mamoali matogass be hita?
35
Sisei re ndona mawatarê ihita ambêlês Kristus ? A kinuleng, suma akahiselan suma apa uah-uahen, suma putow.
36
Kêlê bana bewatih : apaan sihow kamitahula asuang imbahaya oatean atêbê nendo, kamitahula be anggap kele domba-domba belusa,
37
sumata apahasa ioho kita lebe amanga totumu amautung de sisia andona imahales ihita.
38
De siyahu totuu awahem bae patêan. Maulêng menonow bae malaikat-malaikat, maulêng manga prêtah, bae bana iyai talêwê mauleng andona mahi,
39
suma kuwasa-kuwasa, bae ambao, mauleng andalem suma re apahiahaan balina ahi’i dona mawatare’d ihita ambêlês Ningumêlêd, ambana asuang Kristus Yesus Tuhan ki’ta.