1
Awa komotahula hii mahailalah manga morowog de ahu kumua be hamotahula mahailalah io nukum awahem nukum kumuasa ambao manga totumu kaeto totumu ioho tumow?
2
De esa totumu kinaroang sinogot nukum akaroanga kaeto karoangga ioho menonow. Ta sumata sa karoanga waaho mate binebasem sia anukum ambewawasogot akaro anga ioho.
3
Yana kaeto karoanga menonow sia masangka taoedetuh, sasia mamoali karoang manga tuama balina ; sumata sa karonga mate sia binebas a nukum, saniboho sia ahii re mapedetuh de sia mamoali karo ang manga tuama balina.
4
Waaho, manga morowogku, komotahula hahi dana mate tanu nukum Torat apaan batangan Kristus, saiboho komotahula mamoali sawa totumu balina, waaho sawa isia, adona itumow atutu totumu inate apaan kita immamua tanu Ningumeled.
5
Atepo ihita amenonow asuang iketed, akobeaten isea, be wawasohar apaan nukum Torat, tinawoi asuang pahasa batangan ihiita de hita mamua tanu sea.
6
Sumata iyaitalewe kita dona binebas anukum Torat, de hita dona mate tanu sisia, ihumurung ihita, saniboho hita iyai talewe sumelewir asuang kaadaan taleya kumiit a tutu’h bo ahii suang kaadaan etom kumiit anurup nukum Torat.
7
Saheleaho, asia re apandung ihita ihua? Aware nukum Torat waaho sea? Ahem moho pebalengena, apaan de nukum Torat siahhu dona mahailala isea de ahu hahi mahaila asia nyaaho kahabogan de nukum Torat hii behuana; “naam ihabog!”
8
sumata asuang prenta yai sea mahaere atemponam tanu imawatow asuang imbatangan-ku bali-balina kahabogen : de hii nukum Torat sia mate.
9
Atepo ahu tumow hii nukum Torat. Ta sumata haworusoho mahiin prentah ioho sea molai tumow.
10
Pebalengena ahu mate. Bo prentah atotuu mio meang a penonowan haturu beahu apaan meang apatean.
11
De suang prentah ioho sea mamate tepona tanu momandei iahu bo dona prentah ioho sisia mamate iyahu.
12
Yana nukum Torat awahem lenas bo prentah ioho hahi awahem lenas totuu bo mauleng.
13
Sahalewaaho banare amaulêng ioho mamoali pinatêan ku? Sama skali ahii sumata saiboho beturu awahêm sia sêa, de sea tinulidêmio a maulêng tanu mawaweangai patêanku saiboho de prentah ioho sea lêbê haturu hahi kaadaanny kêlê sea.
14
De hita mahailah, apaan nukum Torat awahem sarani sata ahu gio i keted, bejual andalem kawasa isea.
15
Deasia atinawoi hu siahu hii mahaila de ahii ahu mabog tumawoi sata asia ahu marêe, waaho ahu tumawoi.
16
Yana sa ahu tumawoi asia nyaho tahii ihabog ku siahu setuju mio apaan nukum tahii Torat waaho maulêng.
17
A hêlêaho ahi ahu hahi a tinawoina, sata sea abana asuang iyahu.
18
De kahalaiku apaan asuang iyahu, waaho asuang iyahu kêlêtow, ahahêmoho nya’aho mauleng.
19
De tahem moho nihabog, ku waaho a maulêng, atinawoi hu kawalian asia ta ahii ahu maboh, waaho atapia siayahu itumulid.
20
Yana sa ahu tumulid asia tahii ihabogk, ta hii ahu itumulidêm sata sea imêtêwêm asuang iyahu.
21
Kêlêwaaho ahu mahaêrê nukum iyai : sa ahu mabog iy tumulid asia nyaho maulêng, akatapian nioho bana beahu.
22
De asuang kahelamaku mabog a nukum Ningumêlêd,
23
ta asuang pahasa batanganku ahu milah nukum balina a mongugat lumawah nukum isea bana asuang pahasa batangku.
24
Sia yahu tow silaka! Siseidona mawalêpot iyahu ambatangan patêan yai?
25
Dumayow a Ningumêlêd de Yesus Kristus, Tuhan ihita, yana karua anggiohu ahu sumêlêwir nukum Ningumêlêd, sata karua imbatangan insaniku siahu sumelewir sea.