1
Sa heleaho, da asia pandung ihita ihua? Dona re hita kumuru asuang isêa, saiboho lebe karohangan beles kohomba ioho?
2
Sekali-kali ahem ! Ahire hita dona mate tanu sea kelembisa re hita dona mahaere penonowan asuanga?
3
Suma ahii mahaila komotahul, awahem kita pahasa awahem binaptis asuang Kristus, de binaptis asuang pinateanna?
4
Akele aho hita akinuburem medoro-roro bo sisia de binaptis suang kapatêna, saiboho, amêkêlê Kristus bewawatow ew atutu totumu imate de kalooran inamang. Keleaho hahi hita dona tumow suang penonowan ataleya.
5
Yana sa hita dona mamoali esa mêdêngan asia amekêlê medengan a pinatêana. Kita hahi dona mamoali esa bo asia mêkêlê atinowana.
6
Kawalian kita mahala awahem tow etoom dona lumas asinalib, saiboho sea imbatangan i hita hatala kuwasana, saiboho naam kita mamoali atah ioho akasêan.
7
De sisêi endona matê sia dona halepot asêa.
8
Yanasa sa hita dona matê karua Kristus. Kita mahêman awahem kita dona tumow de karua isia.
9
Kawalian kita mahala awahêm Kristus, atepo sia tumow atutu totumu imatê, hii matê hahi patêan hii kawasa hahi besia.
10
De kapatena awahem pinatêan asinaang isea, bati mahasa bo tanu kaeto-eto io, bo penonowanna awahem penonowan tanu Ningumêlêd.
11
Keleaho hahi pandunga komotahula ponarehaNa. Awahem kamotahula dona mate tanu sea sumata komotahula tumoe tanu Ningumêlêd asuang Kristus Yesus.
12
Kawalian ioho pandung isêa naam kawasa hahi asuang batangan nu a fana, sumata komotahula naam kahi lumas kahabogna.
13
Bo naa re kamotahula sumarakan pahasa batangannu a sea tanu pinake kele sinapang kawomadeyana, sumata isarakande batangan nu a Ningumeled kele manga totumu a atepo imate, sumata yaitalewe menonow. Bo iyehenu pahasa batangan nu a Ningumeled tanu mamoali sinapang-sinapang katotuuan.
14
De komotahula ahii de kahuasaan kahi isea, kawalian komotahula ahiire adalem nukum Torat, sumata andalêm beles kohomba.
15
Yana kelembisa? Awa hita dona tumawoi sea, yanasa hita ahii a dalêm nukum Torat, sumata adalêm bêlês kohomba? Ahii totuu.
16
Awa komotahula hii mahaila awahem kele iaho komotahula imêhê mio imbatangan nu mekele sosiu tanu makiit io, kamotahula awahem sosiu totumu ioho, a tatuu kamotahula moêman bae andalem isea ambinali kamotahula a patêan, bo asuang koemanan ambinali komotahula akatotuuan?
17
Sumata dumayow re a Ningumeled atêpo dali komotahula sosiu isêa sumata iyatalêwê komotahula mêdêngan entêru i natê dona makiit pahajaren andana i terus behow.
18
Komotahula dona wawamerdeka de sea bo mamoali sosiu katotuuan.
19
Siahuu ihumuamio iyai kele tow apaan kahawêlan komotahula. Dêrê mekêlê komotahula dona imêhêm nemio pahasa batangan nu mamoali sosiu akawêsaêan bo akadurhakaan . Apineang homotahula akadurhakaan, keleaho hahi komotahula iyatalewe musti imêhêm nemio pahasa batangan nu mamoali sosiu katotuuan de imêang homotahula a kalênasan.
20
De atepo homotahula binebasêm moho akatotuuan.
21
Bo bua nasia ioho be homotahula atiniwu be sia? Pahasa ioho tinulidem mio hamotahula mahahêlam monokia iyai talêwê apaan kahawuan pahasa ioho waaho patêan.
22
Sumata iyai talêwê andona kamotahula be wawamerdekaaan a sea bo dana homotahula mamoali sosiu Ningumêlêd, komotahula mahaêre bua a meang kamotahula akalênasan bo kêlê kalamusan-na waaho tumow akaeto.
23
De baêr sêa waaho patêan; sumata komba Ningumêlêd waaho tumow akaêto asung Yesus Kristus Tuhan ihita.