¹ Waaho kita a kabênaran apaan kawahêman, kita menonow asuang dame sononoi ka Ningumeled yanasa Tuhan ihita, Yesus Kristus. ² Dêsisia kita dona mahaêrê dalan sumuang a kawaheman apaan bêlês behomba yai asuang bêlês behomba yai hita tumod be mekahi asuang apaharawan dona tumirima kalooran Ningumêlêd. ³ Bo ahii bati waaho mio. Kita lebe mapêkahi waaho asuang ikatanêdan nio mawalembo a kasabaran. ⁴ Bo kasabaran mawalembo katahangan lepei bo katahangan i lepei mawalembo apaharawan. ⁵ Bo apaharawan ahii imawasêsêl, apaan bêlês Ningumêlêd dona beyuna asuang i nate ihita de tutuh lênas de behomba na be hita. ⁶ Kawalian atêpo hita akahawêlan, Kristus dena imatê tanu hita manga totumu tapia atêpo a tinantum a Ningumêlêd. ⁷ Apaan hii ne esa totumu mabog matê tanu totumu atotuu sumata kahi tanu totumu amauleng bana totumu baranei mate, ⁸ ta sumata Ningumêlêd itumurum imbelesna be hita, yana sa Kristus dona mate tanu hita atepo hita dalii a sea. ⁹ Lebe-lebe apaan kita iyai talewe dona tinotuuan de dahaNa, kita tatu dona iwawaselamat amboro Ningumeled. ¹⁰ Apaan sare hita, atepo dona mepate, bewawadamemyem karua Ningumeled de pinatean imbataNa, lebe-lebe hita, iyai talewe dona be wawadamena, tantu dona iwawaselamat na de penonowan Na! ¹¹ Bo ahii bati ioho kita lebe papekahi asuang Ningumeled de Yesus Kristus, Tuhan ihita de sia kita itumirima pedamean ioho. ¹² Kawalian nioho, mekele sêa dona sumuang asuanga baitoba de esa totumu bo sea ioho hahi meang patean, kêlê aho hahi patêan ioho i lumosong apahasa totumu apaan pahasa totumu itumawoi sêa. ¹³ Awe bana nukum Torat daliim bana sea ambaoitoba. Sumata sea ioho ahii tinêbêan sa ahii bana nukum Torat. ¹⁴ Totuu akêlêaho patean dona kumuasa atepo iyadam ahaa atepo Musa hahi ambao homotahula ahii matawoi sea ka pael amêkêlê apaan atinulid iadam awahem begambarem sia awahem sia mahi. ¹⁵ Sumata komba Ningumêlêd ahi mêkêlê kasalahan i Adam akawalian nioho kasalahan inesa totumu pahasa totumu behatia suang kahausaan patean, dekang lebe wako hahi bêlês behomba Ningumêlêd bo bêhombana, de imêlêbês io apahasa totumu apaan esatow, waahoo Yesus Kristus. ¹⁶ Bo bêlês behomba ahii mêkêlê bo sêa inêsa totumu. De amawatepu ambao kasalahan nioho iwawaturu um apa tepuun, sumata powaladan kohomba ambao tadoo kasalaan nioho mawawêang katotuuan. ¹⁷ De sa sea inesa totumu mate dona ahuasaan i nesa totumu io, da lebe totuuhahi homotahula adong i tumirima aka tadoan bêlês bêhomba bo bewowala katotuuan, apaan tumow bo akuwasa yanasa esa totumu iyo waaho Yesus Kristus. ¹⁸ De waaho amêkêlê esa kasalahan pahasa totumu mahaere ukuman, kelehahi dê kawatawoi katotuuan pahasa totumu mahaêrê katotuuan tanu penonowan. ¹⁹ Yana amekele atahii a koêmanan nesa totumu pahasa totumu dona mamoali totumu mapesea kêlêaho hahi koemanan nesatotumu pahasa totumu mamoali totumu butul. ²⁰ Sumata nukum iTorat dinohongan saiboho kasalahan mamoali lêbê tadoo : bo isana bana sea lebe karohangan tadoo biboho bêlês behomba mamoali malêbê-lêbês soho, ²¹ saiboho de mekêlê isea kawasa asuang alam patêan, kêlê aho bêlês behomba a kwasa de katotuuan tanu tumow a kaêto, de Yesus Kristus Tuhan i hita.