¹ Yana da sia ona ihua hita tanu Abraham, amang pato’ton jasmani hita? ² De sasi Abraham akabênaran apaan akawatawoi na, iboho sia dona iralêh tanu mêkahi, sumata ahii asasaaengen Ningumêlêd. ³ Asia nde behua nas Kitab bayo? “yanasa pahêmanên nangê Abraham be siTuhan, bo Ningumêlêd itumebem nyaaho be sia kêlêituh katotuuan. ⁴ sa wana totumu matawoi, tanusia ahii tinebean kêlê be wowalad, sumata tanu sawana. ⁵ Sumata sawana totumu ahii matawoi ta mahêman be sia akatotuuan totumu tapia kawahemanan na atinebem na mamoali katotuuan. ⁶ Kêlê hahi iboho Daud ihumua a mekahi totumu akatotuuan Ningumêlêd ahii irumaleh akawatanawoi na: ⁷ mekahi iyo totumu ambeapungan pinesa-seahana, bo kinolobana. ⁸ Mekahiiyo tow de kaseanna hii tinebe Ningumêlêd besia. ⁹ Banare behua mekahi iyai bati mamoali totumu sinunat suma hahi bati totumu hii sinunat? De ambehua awahem be si Abraham akawaheman atinebem mio kele katotuuan. ¹⁰ Asuang nasia nyaaho ahii tinebena? Awesuma nyaaho sia sinunat? Ahii nyaaho sinunat; sumata atalewe. ¹¹ Bo tanda sinunat nyaaho tinirima kêlê mêtêrai katotuuan be woralêh kawaheman ambeturu na, atalawê sia sinunat. Kele hahi imboho sia mahaere mamoali amang pahasa totumu maheman a tahii sinunat, saiboho katotuuan atinêbênam be hamotahula. ¹² Bo hahi mamoali amang mangatotumu asinunat, waaho homotahula ahii bati asinunat sumata iaho lumas a kahêmanan i Abraham amang patoton i hita, atinepo sia awê sinunat. ¹³ Kawalian ahii apaan nukum torat ambêhâna dandi be si Abraham bo ambêlolosana, awahêm sia dona imahaere baoitoba, sumata a katotuuan beworaleh kawaheman. ¹⁴ Kawalian sa homotahula bati maharaw ange a nukum Torat, tumirima tanu amberandi Ningumêlêd, pahasa ioho ahem baera kawaheman bo mawasondo berandi na. ¹⁵ Kawalian nukum Torat i mawalembam borah, sumata bisana tahem bana nukum Torat, biboho ahem mainjo pahisalaan. ¹⁶ Kawalian niaho katotuuan bewaraleh koemanan saimboho kele itu beles behomba, saniboho dandi waaho mamoali apahasa ambelolosan Abraham, ahii bati be homotahula a menonow a nukum Torat, sumata hahi homotahula a menonow a kawaheman Abraham. De Abraham awaheman amang apahasa ihita. ¹⁷ Kele bana bewatih sihow detinantum mamoali amang. Katadooan bangsa asasaangen Ningumêlêd ka bêsia Sia mahêman waaho Ningumêlêd i mawatow totumu i mate bo imamoalim medengan kukuaNa asia nyaaho tahem mamoali bana. ¹⁸ Mande onah ahem pedalehan tanu maharaw, ta Abraham maharaw wiyo bo maheman awahem sia dona mamoali amang tadoo bangsa, lumas asia nyaaho ikukuaNa kele hahi oho tadoo mio masondo apelolosanna”. ¹⁹ Emanna ahii mamoali mekawel mande onah sia imahalahem awahem batangana apaan lebe hawel, apaan umura apa ngate-ngaten matusem ataun, bo awahem a tian isara de behaholobem. ²⁰ Sumata tanu berandi Ningumêlêd sia ahii malikoko apaan atahii akaheman, suma sia bewaworowot asuang kawahemanna bo sia imeloor i Ningumêlêd. ²¹ Medengan tadoo ka perjaan, awahem Ningumêlêd ma kawasa tanu asia nyaaho berandim, ²² kawalian niaho waiatinebem besia apaan ka totuuan. ²³ Manga kodait iyai waaho de wai tinebenam be sia,” ahii be watih tanu Abraham ia, ²⁴ sumata bewatih hio tanu hita, kaa behita Ningumêlêd i tumebem mio, kawalian nioho maheman be sia, apaan dana imawatow si Yesus, Tuhan ihita, atutu totumu imate, ²⁵ waaho abesarakan apaan kasalaan ihita bo bewawatow apaan akatotuuan ihita.